2024 жылы Атырауда өткен Ұлттық құрылтайда Мемлекет басшысы Ұлттық кітап күнін белгілеу жөнінде тапсырма берген болатын. Мемлекет басшысы Ұлттық құрылтай мүшелерінің Ұлттық кітап күнін құру туралы бастамасын қолдап, оқуға деген сүйіспеншілік – қоғамның дамуына ықпал ететін маңызды қасиеттердің бірі екенін атап өтті.
Бүгінгі ойынға міндеттелген 5 кітап Күләш Ахметованың “Бақ” өлеңдер жинағы, Бауыржан Момышұлының “Офицердің күнделігі”, Әкім Таразидің “Тұлпардың ізі”, Шерхан Мұртазаның “Интернат наны”, Несіпбек Дәутайұлының “Құдірет пен қасірет” атты шығармалары.
Ойын Жамбыл облысы әкімі Ербол Шырақпайұлының бастамасымен Жамбыл облысы әкімдігі білім басқармасы Талас ауданы білім бөлімінің қолдауымен Жамбыл облысы Азаматтық Альянсы ұйымдастыруда. Жақында ғана мәңгілік мекеніне аттанған, ел аузында Әкім Тарази атымен танылған белгілі жазушы, драматург, сценарист Әкім Үртайұлы Әшімовтің рухына құрмет ретінде бір минуттық үнсіздікпен еске алынды.
Бүгінгі іс-шараның мақсаты — “Əулиеата кітап оқитын өңір” жобасын жастар арасында танытып, кітап оқу мəдениетін қалыптастыру. Сонымен қатар, бұл іс-шара жастардың алған білімін көпшілікпен бөлісуге, ой-талқы жасауға, білім алу мен білім беру ісін дамытуға арналған тамаша мүмкіндік.
Алғысөз кезегі Талас ауданы білім бөлімінің басшысы Мақсат Қазанғапов, “Ой шебері” зияткерлік ойынының ұйымдастырушысы Исламбек Дастанұлына сөз берілді.
Барлық қатысушыларға естелік ретінде кітаптар таратылып, топ жетекшілеріне алғыс хат үлестірілді.
Ойын қорытындысы бойынша аудан әкімі Нұрбол Жүнісбеков сөз сөйлеп, талапшыл жастарды марапаттады.
Ойын нәтижесі:
Облыстық гранд финал ойнына Талас ауданынан А.Байтұрсынов атындағы гимназия иеленді. Гимназияның мақтанышы, түлегі Мемлекет басшысының баспасөз хатшысы Руслан Желдібай білім алған.
TURANINFO.KZ
