Ағымдағы жылы 2003 азамат жұмыссыз ретінде тіркелсе, оның 1492-і жұмысқа орналасты. Ақылы қоғамдық жұмыстарға 309, әлеуметтік жұмыс орындарына 119, жастар тәжірибесіне 227 азамат тартылды. 409 жаңа жұмыс орындары ашылды. Бұл туралы Өңірлік коммуникациялар қызметінде өткен брифинг барысында Т.Рысқұлов ауданы әкімінің орынбасары Бейсенбек Әлпейісов мәлімдеді.
Оның сөзіне сүйенсек, жалпы жұмыссыздар — 348, оның ресми тіркелгендері — 181. Жұмыссыздық деңгейі — 1,0 %. Тіркелгендердің жұмысқа орналасу — 74,5%. Мүмкіндігі шектеулі 91 азамат (40 тұрақты, 42-уақытша) жұмысқа орналастырылды, 9 азаматқа микрокредит берілді.
«Жұмыспен қамту-2020» бағдарламасының 1 бағыты бойынша аудан аумағында құрылыс және жөндеу жұмыстары жүргізіліп жатқан 27 нысанға 109 азамат жұмысқа жіберілді.
2 — ші бағыты аясында 77 адамға 305,5,0 млн тг несие бөлінді. Оның ішінде республикалық бюджеттен 52 адамға 154,0 млн теңге (3,0млн теңгеге дейінгі сомада), 25 адамға 151,5 млн теңге (6 млн теңгеге дейінгі сомада). Микрокредиттік ұйымға ұсынылған 102 үміткердің 75-і оң қорытынды шешімін алып, 80 азаматқа 274,7 млн теңге, (оның 3-не 9.0млн теңге ауылшаруашылығын қаржылай қолдау қорынан) несие берілді. Кәсіпкерлік негіздерің оқыту бойынша 41 үміткер оқыды.
Бағдарламаның «Жұмыс берушінің қажеттілігі шеңберінде оқыту және жұмысқа орналасуға жәрдемдесу» атты ІІІ-бағыты бойынша республикалық бюджеттен қайта даярлау курсына 2621,0 мың теңге бөлініп, «Шаштараз, оператор ЭВМ, жүргізуші В категориясы» мамандықтары бойынша 15 азамат сәуір айынан оқуға жіберіліп оқуларын толығымен аяқтап, 15 азамат (оның 12-і жастар) тұрақты жұмысқа орналасты, — деп сөзін түйіндеді Бейсенбек Әшімәліұлы.
