Шу ауданы полиция бөлімінің тергеу бөлімшесінің тергеушісі пара алып жатқан кезінде Антикор ұстады. Пара соммасы 500 000 теңге. Тергеушісінің өндірісінде есірткі бойынша іс болған. Сол мәселені жеңілдетуге пара алған. Қазіргі таңда пара алған тергеуші кінәсін толық мойындап ешқайда кетпеу шарасымен үйіне жіберілді.
Тергеу жалғасуда.
Жамбыл облысы бойынша Сыбайлас жемқорлыққа қарсы қызмет бюджет қаражатын аса ірі мөлшерде жымқыру фактісі бойынша «Жамбыл облысы әкімдігі денсаулық сақтау басқармасының қалалық көпбейінді ауруханасы» ШЖҚ МКК лауазымды тұлғаларына қатысты сотқа дейінгі тергеу жүргізуде.
Залал сомасы 758 млн теңгеден асады.
Соттың санкциясымен күдіктілер, аурухана бас дәрігерінің орынбасары және бұрынғы бас есепші қамауға алынды.
Тергеу жалғасуда.
