Нашақорлық заман дерті

«Тең-теңімен» қағидасымен салауатты өмір салтын насихаттау бойынша жастар мен жасөспірімдер арасында еріктілер қозғалысын дамыту» атты әлеуметтік жобаны жүзеге асыру мақсатында Байзақ ауданы, Үлгілі ауылы, Үлгілі орта мектебінде «Нашақорлық заман дерті» тақырыбында семинар ұйымдастырылды.
Шараға Байзақ ауданы «Жастар деңсаулық орталығы» КММ-нің маманы Ж.Нысанбаев, психолог маман Б.Тілеухан және «Жамбыл облысы Жастар мәслихаты» Жастар қоғамдық бірлестігінің төрағасы Т.Камал мен Байзақ ауданы «Жастар деңсаулық орталығы» КММ-нің маманы Ж.Нысанбаев қатысты. Нашақорлыққа көбінесе, жасөспірімдер шалдығады, алайда осы кезде ересектер арасында да есірткінің зиянын шегіп жүрген адамдар көбейіп барады. Нашақор қаражатты ұрлықпен табуды көздейді, ал ұрлық жазасыз болмайды. Нашақор ата-анасы ауқатты жасөспірімдерді есірткіні әуестендіруге, соның арқасында өзінің «қамын» ойлауды мақсат етеді. Нашақордың жасөспірімдер тобына қосылуының себебі де сол. Ол алдымен наша шегуді немесе ес ауыстыратын дәрі ішуді ұсынады, еліктегіш жастар дәм тата бастайды. Бара-бара жасөспірімдер нашақорға, есірткінің құлына айналады. Есірткіні түнгі клубтарда би алаңдарында, тіпті мектептерде де сатып алуға болады. Бұрын жасөспірімдер анаша, марихуана шегіп, әр түрлі желімдер иіскейтін болса, қазір героин,какоин, синтетикалық есірткілерді қолданады. Ал синтетикалық есірткінің ерекшелігі сол, бір дәмін татқаннан кейін есі ауады да тұрады. Бір пайдалансаң жайын жай табады,керемет күйге түсесің деп алдайды. Аз уақытқа болса да ләззат алғанына мәз болам деп, нашақор сатына қосылғанын білмей қалады. Жастар кездесуге белсенді қатысып отырды және де жастар тарапынан сұрақтар қойылды. Сұрақтарға барынша толық жауап қайтарылып сұрақ қойушылар қайтарылған жауапқа толықтай қанағаттанды.