Агроөнеркәсіп мемлекеттің негізгі экономикалық ахуалының дамуына, өзіндік тұрғыдан дамуына үлес қосатын еліміздегі маңызды салалардың бірегейі. Аталған сала ауылшаруашылық өнімдерін өндіруге, сонымен қатар, өнімді тұтынушыға жеткізуге қатысатын барлық шаруашылық салаларын біріктіреді. Агроөнеркәсіп кешенін дамытудың 2017-2021 жылдарға арналған мемлекеттік бағдарламаның басты мақсаты ол агроөнеркәсіп кешеніндегі еңбек өнімділігін және өңделген ауыл шаруашылығы өнімін, өңделген өнім экспортын ұлғайту жолымен агроөнеркәсіп кешен саласының бәсекеге қабілеттілігін арттыру.Ауыл шаруашылығы саласының бәсекеге қабілеттілігін және өнімділігін арттыру мақсатында «Рамазан» ШҚ-ы 1,07 га жерге жылыжай салу үшін өз қаражаты есебінен 30 млн. теңге және Әлеуметтік Кәсіпкерлік Корпорациясы (ӘКК) арқылы 30 млн. теңге көлемінде қаржылай көмек ала отырып, тамшылатып суару технологиясын енгізді. Шаруа қожалығы 5 адамды тұрақты және 8 адамды маусымды жұмыспен қамтуда.
Сүт өнімдерін өңдеуші «Көкжиек-2030» ЖШС-і жаңа үлгідегі Итальяндық цехын іске қосты. Қазіргі таңда өнім көлемін 3650 тоннаға немесе 15%-ға арттырып, 1 млрд. 350 млн. теңгеге өнім өндіруде. Қосымша 30 жұмыс орны ашылды. 2021 жылы «GOOD LOOK» ЖШС-і 1,1 млрд теңгеге инвестиция тарта отырып, Чехия мемлекетінен «Семелтау» тұқымдас етті және сүтті бағытта мүйізді ірі қара мал әкелуді жоспарлап отыр. Жоспарға сәйкес, жылына 5,5 мың тонна сүт, 300 мың тонна ет өндеуді көздеуде. Осы жобаны іске асыру үшін Жамбыл ауданынан 38 га жер бөлінген. Сонымен қатар, «Империя» ЖК қуаттылығы 2 мың тоннаны құрайтын балмұздақ цехын салу үшін 800 млн. теңге көлемінде инвестиция тартуды жоспарлауда.
2021 жылдың шілде айында Жамбыл аудынында тіркелген «Алтын бұлақ» шаруа қожалығы Тараз қаласының аумағынан «Тараз» Әлеуметтік Кәсіпкерлік Корпорациясы» АҚ-ы арқылы 18 га жер телімін алып өз қаражаты есебінен 30 млн. теңге инвестиция тарта отырып балық шаруашылығын ашуды жоспарлауда. Шаруа қожалық басшысы шаруашылықта амур, сазан, дөңмаңдай (толстолоб) атты балық түрлерін өсіруді жоспарлап отыр. Ал индустриялық-инновациялық дамытудың 2020-2025 жылдарға арналған мемлекеттік бағдарламасының мақсаты: өңдеуші өнеркәсібінің ішкі және сыртқы нарықтардағы бәсекеге қабілеттілігі. Бағдарламада облыс әкімі мен Тараз қаласы әкімі арасындағы келісімде 3 индикатор қарастырылған. 2021-2022 жылдары жалпы құны 17 млрд. 594 млн. теңгені құрайтын 6 инвестициялық жобаны іске асыру жоспарлануда, жобалар іске асырылғанда 1024 жаңа жұмыс орындары ашылады деп күтілуде.
«Kisc» ЖШС-нің «Металл құю цехын жаңғырту» жобасы. Жобаның құны – 1 млрд 870,0 млн. теңге, бүгінгі күні металл құю қуаттылығы 3,5 мың тоннаға дейін болса, модернизациядан кейін қуаттылығын жылына 24,0 мың тоннаға жеткізу көзделіп отыр, ашылатын жұмыс орындары 150 бірлік. Жоба бойынша қазіргі уақытта іске қосу-реттеу жұмыстары 90% орындалған. Мерзімі 2021 жылдың ІV-тоқсанына жоспарланып отыр.
«СП-Тараз PET» ЖШС-ның «Полиэтилентерефталат рециклингу бойынша зауыт салу» жобасы. Жоба құны – 3 млрд. 860,0 млн. теңге. Жобаның қуаттылығы 6,0 мың тонна, ашылатын жаңа жұмыс орындары – 64 бірлік. Инфрақұрылымға «Бизнестің жол картасы-2025» кәсіпкерлікті қолдау мен дамытудың мемлекеттік бағдарламасы аясында 203,0 млн. теңге қарастырылған, оның ішінде, республикалық бюджеттен 185,0 млн. теңге және жергілікті бюджеттен 18,0 млн. теңге. 2021 жылдың III тоқсанында инфрақұрылым мен құрылыс жұмыстарын толық аяқтау жоспарланып отыр. Іске қосылу мерзімі -2022 жыл.
«Alima Delux» ЖШС-ның «Тұрмыстық техника зауыты» жобасы (газ плита өндірісі). Жоба құны – 3 млрд. 354,0 млн. теңге. Жобаның қуаттылығы жылына 100 мың дана газ плита шығару, ашылатын жаңа жұмыс орындары – 500 бірлік. Жобаның іске қосылу мерзімі 2022 жылдың І жарты жылдығына жоспарлануда. Жобаны іске асыру үшін Тараз-Аса айналмалы жол бойындағы индустриалдық аймақтың жанынан 11,0 га жер телімі бөлінді. Жер телімінің топографиялық түсірілімі жасалып, актісі алынды. Бүгінгі күнге Түрік мемлекетінің әлеуетті инвесторларымен келіссөздер жүргізілуде. Түрік мемлекетінің инвесторлары «Alima Delux» ЖШС-ның 49% үлесіне қатысу үшін «Самұрық Қазына Инвест» ЖШС-не қажетті құжаттарды жинақтауда және жобаны қаржыландыруға қажетті қаражат алу үшін Қазақстан Республикасының Даму банкіне де құжаттар дайындалуда. Сонымен қатар, зауыттың эскизі мен жобалық-құжаттары және техникалық-экономикалық негіздемесі дайындалып аяқталды. Инвестициялық жобаны толық қолдауды Kazakh Invest Ұлттық компаниясы жүзеге асыруда.
«Оргэлитстройсервис» ЖШС-ның «Қант қызылшасы мен мелассаны терең өңдеу арқылы қант өндірісі» жобасы. Жоба құны 880,0 млн. теңге, жоба қуаттылығы жылына 6120 тонна қант өндірісі, 330 тонна қант мелассасы, ашылатын жұмыс орындары 36 бірлік. Жобаны іске асыру үшін Асқаров көшесінің соңынан 5,5 га жер телімі берілді. Іске қосылу мерзімі 2022 жылдың І жарты жылдығына жоспарланып отыр.
«Дәмді себет» ЖШС-ның «Ұннан жасалған кондитерлік өнімдерді өндіруді ұйымдастыру» жобасы. Жоба құны 320 млн. теңге, жылдық қуаттылығы 2160 тонна ұн өнімдері, ашылатын жұмыс орындары 105 бірлік. Аталған жобаның іске асырылуы бойынша жер мәселесі шешіліп, 15 шағын ауданынан 0,5 га жер теліміне құжаттар рәсімделді. Ағымдағы жылдың 27 мамырында «Дәмді себет» ЖШС-і тарапынан пандемия және экономикалық жағдайларға байланысты жобаны іске қосу мәселесін 2022 жылдың желтоқсан айына көшіру туралы ұсыныс түскен. Бүгінгі күнге Облыстық аймақтық үйлестіру комиссиясында қарастырылып, іске қосылу мерзімі 2022 жылдың ІІ жарты жылдығына ауыстырылды.
«Alina Group» ЖШС-ң өндірістік базасын кеңейту және жаңарту» жобасы. Жоба құны 7,3 млрд. теңге, жоба қуаттылығы жылына — 150 мың тонна, 169 жаңа жұмыс орнын ашу жоспарланып отыр. Іске қосылу мерзімі 2022 жылдың ІІ жартыжылдығы. Бұдан бөлек, өткен жылдан өтпелі «Тараз Арматура зауыты» ЖШС-гі – «құрылыс арматурасын шығару» инвестициялық жобасы ағымдағы жылы іске асырылатын болады. Жоба құны – 2 млрд 177,0 млн. теңге. Жылдық қуаттылығы 200 мың тонна және 297 жаңа жұмыс орнын ашу жоспарланып отыр. Бұдан өзге, «Әулие-Ата» халықаралық әуежайын қазіргі стандарттарға сай дамыту бойынша Түркияның «ГАТА Хава Йоллары» компаниясымен, «Тараз» индустриалдық аймағында құрылыс материалдарын шығаратын зауыттың құрылысы бойынша «Кнауф Гипс Бурылтау» ЖШС-ның өкілдерімен келіссөздер жүргізілуде. Жобаның кұны 14,5 млрд. теңге (100% жеке қаражат), жоба бойынша 140-180 жаңа жұмыс орындары ашылады деп жоспарлануда. Ал, Пекиндік компания «Chaijiu Hortculture Technology (Beijing) Co.,Ltd» жылыжай салуға қызығушылық танытуда. Сонымен қатар, «КFS», «Burger King», «McDonald’s» фаст-фуд мейрамханаларын ашу бағытында жұмыстар атқарылуда.
Материал Жамбыл облысы әкімдігінің ішкі саясат басқармасының тапсырысы бойынша дайындалды
