Жуалы ауданында ағымдағы жылы «Бизнестің жол картасы-2025» мемлекеттік бағдарламасы аясында 2 жоба қолдау тапқан. Олар Билікөл ауылдық округінен «Береке» ШҚ-ның өндірістік инфрақұрылым жүргізу, «Қаралма» тау-шаңғы спорт кешенінің инвесторы «Таразстрой-2004» ЖШС-ның өндірістік инфрақұрылым жүргізу. Қазіргі таңда Алатау ауылындағы 100 орындық, Диқан ауылындағы 180 орындық орта мектептердің құрылыстары басталған. «Өңірлерді дамыту» бағдарламасы аясында бес елді мекенде, атап айтқанда, Қошқарата, Көлтоған, Ертай, Шақпақата, Т.Дүйсебайұлы елді мекендерінде ауыз су құрылысы жүргізілуде.
Ауданда 49 елді мекеннің 25 елді мекені, яғни 51% орталықтандырылған ауыз сумен қамтамасыз етілген. Ал қалған 19 елді мекеннің ішінде 10 елді мекенге, атап айтқанда, Қоңыртөбе, Бәйтерек, Жаңаталап, Ақтоған, Кәріқорған, Тасбастау, Рысбек батыр, Түктібай, Ақтөбе, Бақалы елді мекендеріне ауыз су құрылысын жүргізу үшін жобалық сметалық құжаттама дайындалып, сараптама қарауына ұсынылған.
«Газ тасымалдау жүйесін дамыту» бағдарламасына 2019 жылы құны 2,6 миллиард теңге болатын Қошқарата бағытындағы 15 елді мекенді газдандыру жобасы қолға алынған. Бүгінгі күнге 7 елді мекенге 52 шақырым болатын газ құбыры тартылды. Яғни, газ кіргізілуі тиіс 486 ауланың 263 ауласына газ кіргізілді. Биыл 7 елді мекенге, атап айтқанда, Қаратас, Ертай, Көлтоған, Рысбек батыр, Ақтасты, Қошқарата, Қызтоған елді мекендеріне газ кіргізу мақсатында бюджеттік өтінім берілді. Ауданда 49 елді мекеннің 38-і газдандырылған немесе 77,55% құрайды. «Ауыл – ел бесігі» жобасы аясында Нұрлыкент ауылынан 180 орындық мәдениет үйі бой көтерді. Жыл басынан бері барлығы 42 спорттық іс-шара ұйымдастырылып, 2 730 аудан тұрғыны қатыстырылды. 14-29 жас аралығындағы жастар саны – 14 047 адамды құрайды, оның 7 725-сы (55,0%) спортпен жүйелі түрде шұғылданады. Аудан бойынша барлығы 134 спорт нысаны бар. Оның ішінде 1 орталық стадион, 1 спорт кешені, 12 футбол алаңы, 39 спорт залы, 81 спорт алаңшасы бар. Мемлекеттік бюджеттің кірістер жоспары 6 458 349,0 мың теңге болса, нақты орындалғаны 7 003 169,6 мың теңге, немесе 108,4 пайызға орындалған. Есепті мерзімге төлемдер бойынша жоспары 6 800 513,0 мың теңге болса, кассалық атқарылуы 6 795 702,0 мың теңгені құрап отыр, игерілмеген қаржы соммасы 4 811,0 мың теңге немесе атқарылуы 99,9 % — ды құраған.
Ауданда тұрғындарды жұмыспен қамтуға басымдық берілген. 2021 жылы аудандағы 2593 жұмыссыздарды жұмыспен қамтудың белсенді шараларына тарту жоспарланып, нәтижесінде, 634 азамат және уақытша жұмыс орындарына 542 азаматтар жолданды. 2021 жылдың 6 айында жұмыссыз ретінде ресми тіркеуде қалғандар саны 1 210 адамды құрап, ресми жұмыссыздық деңгейі 4,5 пайыз болып қалыптасты. 2021 жылы жұмыспен қамту іс-шарасына барлығы 555 632,0 мың теңге бөлініп 37,5 пайыз орындалды. Оның ішінде 500 адамға қоғамдық жұмыстарға 409 728,0 мың теңге, 120 әлеуметтік жұмыс орнына 34 919,0 мың теңге, 110 жастар практикасына 47 532,0 мың теңге, 75 жұмыссыздарға қысқа мерзімді кәсіптік оқу курстарына 16 781,0 мың теңге, 80 азаматқа қайтарымсыз грант 46 672,0 мың теңге қаралған. Ағымдағы жылдың 6 айында атаулы әлеуметтік көмек тағайындау қызметі бойынша өтініш берген 828 отбасының 4 409 адамына 167 657,3 мың теңге көмек тағайындалып, төленген.
Сонымен қатар, ауданда 2020 жылдан бері мемлекеттік әлеуметтік тапсырыс шеңберінде «Адалдық алаңы» жобасы іске асырылуда. Аудан көлемінде сыбайлас жемқорлықтың алдын алу мақсатында 10 баннер, 1 морал орналастырылған, мекеме басшыларының қатысуымен түрлі форматта 46 іс шара өткізілген және 4300 дана таратпа материалдар таратылып, 3 видеоролик түсірілген.
Халық үніне құлақ асатын мемлекет тұжырымдамасын іске асыру, аудан тұрғындарының сұрақтарына жауап беру мақсатында аудан әкімімен медиа жоспарлар бекітіліп айына екі рет фейсбук, инстаграм әлеуметтік желілерінде бөлім басшыларының тікелей эфир арқылы халықтың сұрақтарына жауап берулері ұйымдастырылған. Аудан әкімдігінің әлеуметтік желілері парақшаларында 5884 материал орналастырылып, 89 сұрауға жауап берілген. Сондай-ақ, халықпен кері байланысты одан әрі нығайту мақсатында барлық ауылдық округтерде WhatsApp мессенджерлерінен топтар ашылған. Ол мессенджерлерде 3000-нан аса ауыл тұрғындары тіркеліп, 600-ге жуық сауал түсіп, жауаптары берілген.
Материал Жамбыл облысы әкімдігінің ішкі саясат басқармасының тапсырысы бойынша дайындалды
