Инфрақұрылымды дамытудың 2020-2025 жылдарға арналған «Нұрлы жол» мемлекеттік бағдарламасының мақсаты – тиімді және бәсекеге қабілетті көлік инфрақұрылымын құру, транзитті және көлік қызметтерін дамыту, технологиялық және институционалдық ортаны жетілдіру арқылы экономикалық өсуге және ел халқының өмір сүру деңгейін арттыруға жәрдемдесу. Транспорттық инфрақұрылым нысандары бойынша 2021 жылы қала көшелерін орташа жөндеу жұмыстарына 1 млрд. 587,3 млн. теңге бөлініп, ұзындығы 44,4 шақырым 78 көше, бұрылыстарды жөндеу, 12,5 шақырым шағал жол төсеу жұмыстары басталып, жыл соңына дейін толық аяқталатын болады.
Ал нәтижелі жұмыспен қамтуды және жаппай кәсіпкерлікті дамытудың 2017–2021 ж.ж арналған «Еңбек» мемлек еттік бағдарламасының мақсаты –халықты нәтижелі жұмыспен қамтуға жәрдемдесу және азаматтарды кәсіпкерлікке тарту. Бүгінгі күнде, Тараз қаласы бойынша халықты жұмыспен қамтуға жәрдемдесудің 2021 жылға арналған «Еңбек» бағдарламасы аясында 7 481 адамды жұмыспен қамту жоспарланып отыр. 2021 жылдың қаңтар-маусым айларында 5 751 адам жұмыспен қамтудың белсенді шараларымен қамтылды немесе 76,9% құрайды. Мемлекеттік қолдау шаралары негізінен, Нәтижелі жұмыспен қамтуды және жаппай кәсіпкерлікті дамытудың 2017 — 2021 жылдарға арналған «Еңбек» мемлекеттік бағдарламасы аясында жүзеге асырылуда. Бағдарламаның І бағыты бойынша. 2021 жылға қысқа мерзімді кәсіптік курстарды ұйымдастыруға Облыстық бюджет есебінен қаралған 50,9 млн. теңге бөлініп, 300 адамды оқыту жоспарланған, сұранысқа ие 14 мамандық бойынша 8 оқу орны таңдалып, ағымдағы жылдың маусым айынан бастап қысқа мерзімді кәсіптік оқуға 271 адам жолданған. Бағдарламаның ІІ бағыты бойынша. 2021 жылы «Ауыл шаруашылығын қаржылай қолдау қоры» АҚ арқылы шағын несие беруге Тараз қаласына 36 адамға 316,1 млн. теңге қарастырылып, 19 азаматқа 197,2 млн. теңге шағын несие берілді. Сонымен қатар, қазіргі танда 2 азаматқа 24,3 млн теңге несие тағайындалып және 2 азаматқа 20,0 млн теңге несие беру қаралу үстінде.
Жоспардан бөлек, реинвест есебінен 6 адамға 59,0 млн. теңгенің несиесі берілген. Мемлекеттік қайтарымсыз грантқа Республикалық бюджеттен 291,7 млн.теңге қаржы 500 адамға беру жоспарланған, ағымдағы жылдың ақпан-маусым айларында 500 адам грант иегері атанды, бөлінген қаражаты толығымен игерілді. 2021 жылы маусым айынан бастап «Атамекен» Ұлттық кәсіпкерлер палатасы арқылы «Бастау Бизнес» жобасы бойынша кәсіпкерлік негіздерін 885 адамды оқытуға жоспарланған. Ағымдағы жылы сәуір айынан бастап 900 адам оқуға жолданды. Бүгінгі таңда, сертификат алған адам саны 732. Бағдарламаның ІІІ бағыты бойынша жастар тәжірибесіне 200 адамды қамтуға республикалық бюджеттен 87,5 млн. теңге бөлінді. Қаржыландыру кестесіне сәйкес 68 мекеменің тізбесі бекітіліп, жыл басынан 156 түлек жалақыны толығымен субсидиялау шартымен жастар тәжірибесіне жолданған. Алғашқы жұмыс орындарына 10 жұмыссызды жолдауға жергілікті бюджеттен 4,7 млн. теңге бөлінген. Есепті мерзімде алғашқы жұмыс орындарын ұйымдастыруға ниет білдірген 3 жұмыс берушілерге 2021 жылы 10 жұмыссыз азаматтар жолданған.
Бағдарлама аясында әлеуметтік жұмыс орындарына 25 жұмыссызды жолдауға республикалық бюджеттен 7,7 млн. теңге бөлінген. Есепті мерзімде Әлеуметтік жұмыс орындарын ұйымдастыруға ниет білдірген 5 жұмыс берушілерге 2021 жылдың қаңтар айынан бастап есепте тұрған 30 жұмыссыз азаматтар жолданған. Ақылы қоғамдық жұмысқа 896 жұмыссыз азаматтарды жолдау жоспарланса, қазіргі уақытқа 846 азаматтар жолдамалар алған.
Материал Жамбыл облысы әкімдігінің ішкі саясат басқармасының тапсырысы бойынша дайындалды
