Бүгінде еліміздің өсіп өркендеуі, халықтың әл-аухатының артуы, қоғамдағы бірқатар өзекті мәселелердің жақсы жағынан шешілуі мемлекеттік қызметішілердің еңбегіне тікелей байланысты. Сондықтан елімізде мемлекеттік қызметшілерге қойылатын талап та, оларға артылатын жүк те, сенім де қазір күшейіп келеді.
Бүгінгі айтылатын сөз, үлгі тұтарлық мемлекеттік қызметші, өз ісінің маманы, барлық білімі мен іскерлігін әділет органдарының дамуына қосып келе жатқан Жамбыл облысы Әділет департаментінің бас маманы Абдрасулова Алия Темирхановна туралы болмақ.
Алия Темирхановна алғаш әділет органдарына 2003 жылы Қазақстан Республикасы Әділет министрлігінің Жамбыл облысы Әділет басқармасының ұйымдастыру-бақылау және кадр жұмысы бөлімі маманы болып бастаған. Өзіне жүктелген міндеттерді мүлтіксіз, кейіннен келген жас мамандарға үлгі боларлықтай қызмет атқарып келе жатқанына 20 жылдан асыпты.
Жұмысына адал кәсіби біліктілігі жоғары деңгейде, жедел түрде ой қорытып, қандай да бір мәселелерді шешу жауапкершілігін өз мойнына ала білетін іскер маман, қазіргі таңда Жамбыл облысы Әділет департаментінің жауапты қызметін атқарып отырған мамандардың ақылшысына айналған.
Алия Темирхановна Қазақстан Республикасы Әділет министрлігінің 3 дәрежелі «Заңгер» төс белгісінің иегері, «Әділет органдырының дамуына қосқан үлесі үшін» медалімен марапатталған іскер маман.
Қызметімен қоса, Алия Темирхановна адал жар, 3 баланың сүйікті анасы.
Үлгі тұтарлық мемлекеттік қызметшілердің еңбегі елене берсін.
23 маусым — Қазақстан Республикасының мемлекеттік қызметшілерінің кәсіби мерекесіне орай, еліміздің барлық мемлекеттік қызметшілерін төл мерекелерімен құттықтай отырып, Еліміздің әлеуеті артып, қарыштап дамуы үшін аянбай қызмет атқарып, жетістіктерге жетулеріңізге тілектеспін.
Жамбыл облысы Әділет департаментінің
Коммерциялық емес ұйымдарды
тіркеу және тіркеу қызметі саласындағы
бақылау бөлімінің бас маманы,
«Қазақстан заңгерлері одағы» РҚБ мүшесі Ж. Асанбаев
