Тараз қаласы әкімдігінде бірқатар лауазымдық тағайындаулар орын алды. Аудан әкімдері тағайындалмаса да, орынбасары мен аппарат басшылары таныстырылды.
Нұрлан Кенжебекұлы Олжабаев Тараз қаласы «Жібек жолы» ауданы әкімінің міндетін атқарушының өкімімен 2025 жылдың 17 сәуірінен бастап Тараз қаласы «Жібек жолы» ауданы әкімінің орынбасары болып тағайындалды.
Нұрлан Олжабаев 1985 жылы 18 қарашада Тараз қаласында дүниеге келген.
Білімі – жоғары.
Еңбек жолын 2010 жылы Алматы қаласы Жетісу ауданы бойынша санитарлық-эпидемиологиялық қадағалау басқармасының өндірістік нысандарды санитарлық-гигиеналық қадағалау бөлімінің жетекші маманы болып бастаған.
2011-2014 жылдары – Тараз қаласы бойынша санитарлық-эпидемиологиялық қадағалау басқармасының тағам нысандарын санитарлық-гигиеналық қадағалау бөлімінің бас маманы, Жамбыл облысы, Жамбыл ауданы бойынша санитарлық-эпидемиологиялық қадағалау бөлімінің басшысы, Жамбыл аудандық тұтынушылардың құқықтарын қорғау басқармасының санитарлық-гигиеналық қадағалау бөлімінің басшысы лауазымдарын атқарған;
2014-2015 жылдары – Жамбыл облысы тұтынушылардың құқықтарын қорғау департаментінің Жамбыл аудандық тұтынушылардың құқықтарын қорғау басқармасы басшысының орынбасары;
2016-2020 жылдары – Алматы облысы Қарасай аудандық қоғамдық денсаулық сақтау басқармасының басшысы;
2020-2025 жылдар аралығында жеке секторларда қызмет атқарған.
Мыңбаев Нұрлан Нұрмаханұлы Тараз қаласы «Әулиеата» ауданы әкімінің міндетін атқарушының өкімімен 2025 жылдың 21 сәуірінен бастап Тараз қаласы «Әулиеата» ауданы әкімі аппаратының басшысы болып тағайындалды.
Нұрлан Нұрмаханұлы Мыңбаев 1991 жылы 21 қарашада Жамбыл облысы Талас ауданы Қаратау қаласында дүниеге келген.
Білімі – жоғары.
Еңбек жолын 2014 жылы Жамбыл облысы, Талас ауданы «Қаратау жолдары» ЖШС өндірістік техникалық бөлімінің басшысы ретінде бастаған.
2016-2018 жылдары – Жамбыл облысы, Талас ауданы «Нұр Отан» партиясының Талас ауданы филиалының маманы;
2020-2023 жылдары – Түркістан облысы қоғамдық даму басқармасы жастармен жұмыс бөлімінің бас маманы;
13.01.2023 жылдан бастап бүгінгі күнге дейін Түркістан облысы қоғамдық даму басқармасы отбасы және жастар мәселелері жөніндегі бөлімнің басшысы лауазымын атқарған.
Тараз қаласы «Жібек жолы» ауданы әкімінің міндетін атқарушының өкімімен 2025 жылдың 16 сәуірінен бастап Диас Әжіман Тараз қаласы «Жібек жолы» ауданы әкімі аппаратының басшысы болып тағайындалды.
Диас Қыдыраліұлы Әжіман 1996 жылғы 19 қазанда Шымкент қаласында дүниеге келген.
Білімі – жоғары.
Еңбек жолы:
2018-2019 жылдары – Астана қаласы Сарыарқа ауданы әкімі аппаратының есеп технигі;
2019-2021 жылдары – Қазақстан Республикасы Ұлттық экономика министрлігі Әлеуметтік саясат және мемлекеттік органдарды дамыту департаменті Құқық қорғау жүйесін, қорғанысты және мемлекеттік органдарды дамыту басқармасы сарапшысы;
2021-2023 жылдары – Қазақстан Республикасы Ұлттық экономика министрлігі Кәсіпкерлікті дамыту саясаты департаменті Бизнес ортаны талдау және мониторингілеу басқармасының бас сарапшысы;
2023-2025 жылдары – Қазақстан Республикасы Ұлттық экономика министрлігі Кәсіпкерлікті дамыту саясаты департаменті Бизнес ортаны талдау және мониторингілеу басқармасының басшысы лауазымдарын атқарған.
