Қазақстандық кәсіподақтың тарихы туралы айтар болсақ, ол 1905 жылдың желтоқсанынан бастау алады, осы уақытта Ақмола уезінде Өспен мыс кенішінің жұмысшылары кәсіподаққа бірігіп, саяси және экономикалық талаптар қойды. Жарты жылдан кейін Оралда қалалық кәсіподақ ұйымы құрылды. 1906 жылғы шілдеде Қазалыда бүкілресейлік теміржол одағының аудандық комитеті құрылды. Сол кезден бастап кәсіподақтар еліміздің өмірінде орасан зор рөл атқарып келеді. Кәсіподақ қызметінің мәні Кәсіподақ мүшелерінің еңбек, әлеуметтік-экономикалық және кәсіби құқықтары мен мүдделерін білдіру және қорғау, жұмыс берушімен өзара тиімді әлеуметтік ынтымақтастықты ұйымдастыру. жұмыс берушілер бірлестіктерімен және Қазақстан Республикасының министрліктерімен келісім, басқа да келісімдер әзірлеу және жасасу жөнінде бастамашылық таныту, олардың мазмұны Кәсіподақтың мүшелік ұйымдарының мүдделеріне сай болуына қол жеткізеді, олардың орындалуына қоғамдық бақылауды жүзеге асырады. Кәсіподақ қолданыстағы заңнамаға сәйкес Қазақстан Республикасының Парламентімен, Үкіметімен, Қазақстан Республикасының жергілікті өкілді және атқарушы органдарымен, еңбек туралы заңнаманың сақталуын қадағалаушы және бақылаушы уәкілетті органдарымен, жұмыс берушілер бірлестіктерімен, түрлі партиялармен және қозғалыстармен, басқа да қоғамдық бірлестіктермен, үкіметтік емес ұйымдармен өзара іс-қимыл жасайды.
Өз мүшелерінің құқықтары мен мүдделерін қорғау үшін сотқа талап қоюға, медиация жүргізу кезінде, сотта, еңбек төрелігінде немесе төрелікте, мемлекеттік органдарда олардың мүдделерiнде әрекет етуге, оларға өзге де құқықтық көмек көрсетуге мүмкіндігі бар. Мемлекеттiк органдарға кәсiподақ мүшелерiнiң құқықтары мен заңды мүдделерiне қысым жасайтын, олар қабылдаған нормативтік құқықтық актiлердiң толық немесе iшiнара күшін жою не оларды өзгерту туралы өтiнiш жасауына болады.
