Жамбыл облысының Түркістан облысындағы мәдени күндері басталды.
Жамбыл облысының мәдени күндерінің бағдарламасына сәйкес, «Ұлы Жібек жолы. Тарих қойнауынан – түркілер бесігіне» атты керуен ұйымдастырылып, керуенді Жамбыл облысы әкімі Бердібек Сапарбаев пен Түркістан облысы әкімі Өмірзақ Шөкеев қарсы алды. Керуеннен кейін сахналық қойылым көрсетіліп, мәдениет күндерінің алғы сөздерді екі облыс әкімі бастады.
- ҚР Тұңғыш Президенті-Елбасы Нұрсұлтан Әбішұлы Назарбаевтың бастамасымен әрі қолдауымен Түркістан аз ғана уақытта түрленіп, тамаша кейіпке енді. Облыс орталығы атанғанына бірер жыл ғана өтсе де, қандай керемет қалаға айналғанына сіздер мен біздер куә боп отырмыз. Мәдениет пен руханияттың орталығы болып қалыптасты. Түркістан гүлденсе, барша қазақтың мерейі тасиды десек артық емес, өйткені, бұл шаһар – ер Түріктің бесігі саналады. Жамбыл облысының Түркістандағы күндері – екі өңірдің рухани-мәдени байланысын арттырып, өзара қарым-қатынасын нығайтуға бағытталған. Жамбылдықтар да киелі қаланың өсіп-өркендеуіне өз үлестерін қосуда. Біз Тараз қаласын Түркістан қаласына туристік серіктес ретінде қалыптастыруды мақсат етіп отырмыз Жамбылдықтардың керуенін ыстық ықыласпен қарсы алып жатқан сіздерге үлкен алғыс айтамыз,- деген Бердібек Сапарбаев шараның маңыздылығын атап өтті.
Өмірзақ Естайұлына Жамбыл облыстық кітапханалардың «Өткені – өнеге, бүгіні – бекем, болашағы – жарқын Жамбыл өңірі» атты кітап экспозициясын, Жамбыл облыстық тарихи-өлкетану музейінің «Тараз – Ұлы даланың көне шаһары» тақырыбындағы жылжымалы көрмесі таныстырылды.
Ал, Өмірзақ Шөкеев өз кезегінде “Visit centre”, “Түркістан оқушылар сарайы” жұмысымен таныстырды. Бердібек Мәшбекұлы оқушылар сарайының ішіндегі жаңашылдықтарды Дәулет Кәрібек пен Ержан Жылқыбаевқа назар алуларын тапсырды.
Бірінші күннің аяғы “Конгресс холлда” эстрадалық әншілер арасында “Түркістан дауысы” байқауын тамашалады. Байқаудың қазылар алқасында Композитор, ҚР Мемлекеттік сыйлығының лауреаты Төлеген Мұхамеджанов; ҚР Еңбек сіңірген қайраткері, танымал эстрада әншісі, композитор, халықаралық ән байқауларының жүлдегері Маржан Арапбаева; ҚР «Мәдениет саласының үздігі», «Құрмет» орденінің иегері, композитор, продюсер Қайрат Баекенов; «Құрмет» орденінің иегері, композитор, ән өңдеуші Хамит Шанғалиев; Халықаралық «Славянский базар» фестивалінің Гран-при иегері, әнші Рухия Байдукенова қазылық етті. Жамбыл облысы атынан қатысқан Қымбат Жамбылбек 1 орын иеленді.
Екінші күні Жамбыл облысы ауыл шаруашылығы тауар өндірушілерінің және өнеркәсіп кәсіпорындарының көрмесі, Жамбыл және Түркістан бизнесмендерінің TedX форматындағы кездесу, “Тараздан Түркістанға Шашу” атты мерекелік концерт көрсетілмек.
