Жетісу, Ұлытау, Алматы, Қарағанды облыстарында Төтенше жағдайлар министрлігінің бұйрығымен Өнеркәсіптік қауіпсіздік комитеті департаменттерінің басшылары тағайындалды.
Елухан Әділханұлы Баймолдинов Өнеркәсіптік қауіпсіздік комитетінің Жетісу облысы бойынша департаментінің басшысы, Жұмабаев Байкен Есқанұлы Өнеркәсіптік қауіпсіздік комитетінің Ұлытау облысы бойынша департаментінің басшысы, Ришат Маруатұлы Шаяхметов Өнеркәсіптік қауіпсіздік комитетінің Алматы облысы бойынша департаментінің басшысы, Кеңгірбай Әлиақпарұлы Есенеев Өнеркәсіптік қауіпсіздік комитетінің Қарағанды облысы бойынша департаментінің басшысы болып тағайындалды.
Елухан Баймулдинов 1967 жылы туған. 1994 жылы Н.Э. Бауман атындағы Мәскеу мемлекеттік техникалық университетін «инженер-механик», «Темірқазық» институтын «қаржы және несие» мамандығы бойынша тәмамдады. Мемлекеттік қызметте 20 жылдан астам жұмыс істейді. 2018 жылдың қаңтар айынан бастап ҚР ТЖМ Өнеркәсіптік қауіпсіздік комитетінің Алматы облысы бойынша департаментінің басшысы қызметін атқарды.
Жұмабаев Байкен 1960 жылы туған. 2004 жылы Ө. Байқоңыров атындағы Жезқазған университетін «Пайдалы қазбалар кен орындарын жер астында өңдеу» мамандығы бойынша тәмамдады. Мемлекеттік қызметте 20 жылдан астам жұмыс істейді. 2014 жылдың қараша айынан бастап ҚР ТЖМ Өнеркәсіптік қауіпсіздік комитетінің Қарағанды облысы бойынша департаментінің басшысы қызметін атқарды.
Ришат Шаяхметов 1980 жылы туған. 2007 жылы Бағалау және құрылыс кадемиясын «бағалау (сала қолдану аясы бойынша)», 2017 жылы Қазақстан инженерлік-техникалық университетін «Қоршаған ортаны қорғау және өмір тіршілігінің қауіпсіздігі» мамандығы бойынша тәмамдады. Өнеркәсіптік қауіпсіздік саласында 17 жылдан астам жұмыс істейді. 2016 жылдың қазан айынан бастап ҚР ТЖМ Өнеркәсіптік қауіпсіздік комитетінің Алматы облысы бойынша департаменті басшысының орынбасары қызметін атқарды.
Кеңгірбай Есенеев 1969 жылы туған. 1993 жылы В.И. Ленин атындағы Қазақ политехникалық институтын «Металлургия өндірісін автоматтандыру» мамандығы бойынша тәмамдады. Өнеркәсіптік қауіпсіздік саласында 20 жылдан астам жұмыс істейді. 2015 жылдың сәуір айынан бастап ҚР ТЖМ Өнеркәсіптік қауіпсіздік комитетінің Қарағанды облысы бойынша департаменті басшысының орынбасары қызметін атқарды.
