Облыс көлемінде мемлекеттік архивтер 2012 жылдан бастап құжаттарды электронды цифрлы форматқа көшіру жұмысын бастаған, бүгінгі күнге жалпы алғанда мемлекеттік сақтауда тұрған 942330 сақтау бірліктегі құжаттың 151406 с.б. құжаттардың 14 629 930 парақ саны сканерден өткізілді, жалпы сақтауда тұрған құжаттардың 16,0% пайызы орындалды. Қазақстан Республикасы Үкіметінің қаулысымен «Архив-2025» жобасын іске асыру жөніндегі 2020-2025 жылдарға арналған кешенді іс-шаралар жоспарында Жамбыл облысы бойынша 2020-2025 жылдар аралығында архивтік құжаттар негізінде кітаптар, анықтамалық жинақтар шығару, сонымен қатар цифрландыру, автоматтандырылған жаңа технологияларды енгізу — қазіргі заманғы архив саласының жаңа талаптарына сәйкес облысымыздағы 12 мемлекеттік архивтердің материалдық-техникалық базасын нығайту мақсатында қаражат жоспарланды.
2020 жылы «Цифрлы Қазақстан» мемлекеттік бағдарламасын жүзеге асыру мақсатында, Жамбыл облысындағы мемлекеттік архивтерді, жергілікті атқарушы органдарды «Құжаттардың бірыңғай электрондық архиві» ақпараттық жүйеге қосу іс-шаралары жүзеге асырылды, бүгінгі күнге ақпараттық жүйеге 12 мемлекеттік архив және 350 мекеме қосылды. Мемлекеттік архивтер тарапынан ақпараттық жүйеде жұмыс жүргізу үшін семинар сабақтар өткізіліп, онлайн, офлайн түрде кеңестер беріліп, әдістемелік көмектер көрсетіледі.
Жамбыл облыстық мәдениет, архивтер және құжаттама басқармасы тарапынан алдағы уақытта Қазақстан Республикасы Тәуелсіздігінің 30 жылдығына орай бірқатар ауқымды жобалар іске асырылады деп күтілуде. Мәселен, Түркістан облысындағы Жамбыл облысының күндері, Алматы облысындағы Жамбыл облысының, Жамбыл облысындағы Алматы облысының күндері өткізу, «Тараз және Түркі өркениеті» халықаралық ғылыми-теориялық конференциясы, «Тәуелсіздік – елдіктің алтын тұғыры» республикалық тарихи-танымдық конференциясы», «Ұрпақтар сабақтастығы: тарихпен болашақ Жамбылдық суретшілерінің көзімен» атты көрме-байқауы, Қазақстан Республикасының Тәуелсіздік күні мерекесіне арналған «Тәуелсіздікке тарту» атты салтанатты концерттік бағдарламасы, «Домбыраның қос ішегі» облыстық дәстүрлі өнер байқауы ұйымдастырылады деп жоспарлануда.
Жалпы облыс көлемінде ұйымдастырылып отырған мәдени-көпшілік іс-шаралар өскелең ұрпақтың рухани байлығын дамытып, патриоттық рухта тәрбиелеу, ұлттық құндылықтарымызды дәріптеу мақсатында іске асырылуда.
Материал Жамбыл облысы әкімдігінің ішкі саясат басқармасының тапсырысы бойынша дайындалды
