Бүгін Жамбыл медициналық жоғары колледждің мәжіліс залында Жамбыл облысы әкімдігі білім басқармасының тапсырысымен «Жамбыл облысы жастар ұйымдарының Қауымдастығы» заңды тұлғалар бірлестігі ұйымдастыруымен «Білікті отбасы» отбасылық зияткерлік сайысы өтті.
Жанұя, отбасы — мемлекеттің іргетасы, қоғамдағы әр отбасының босағасы берік, мерейі үстем болмай мемлекеттің мықты болуы мүмкін емес. Отбасы – адам баласының өсіп-өнер, қаз тұрар, қанат жаяр алтын бесігі. Сондықтан бұл әлеуметтік институтты дамыту өзекті мәселе.
Зияткерлік сайыс 6 кезеңнен құралды. Олар:
1. «Таныстыру». (Сайысқа қатысушы отбасылар өздерін өлең жолдары арқылы немесе отбасылық ұран арқылы таныстырады) – 2 мин.
2. «Отбасылық клуб жұмысының жоспарын құру» — (Қатысушы отбасылар өздерінің отбасылық белгілерін және сайысқа қандай мақсатпен келгендерін қағаз бетіне түсіру қажет. Сайысқа қатысушы отбасыларға 1 плакат және түрлі-түсті бояулар беріледі.) – 7 мин.
3. «Тапқыр отбасы» — (Сайысқа қатысушы отбасыларға әр түрлі тақырыпта және логикалық 20 сұрақ қойылады. Жылдамдық танытып жауап берген отбасылар ұпайға ие болады.)
4. «Ұтымды жауап, тапқыр шешім» — (Сайысқа қатысушы отбасыларға ақын жазушылардың белгілі шығармалары мен өлең жолдары және мақал-мәтелдердің алғашқы жолдары беріледі. Отбасылар аяқталған жерден ары қарай жалғастыру қажет)
5. «Ұлттық сананың мәйегі – ұлт тарихында» — (Бұл кезеңде қатысушыларға Тараз қаласында орналасқан тарихи мәдени ескерткіштердің суреттері көп қиынды (мазайка) түрінде жасырылады. Жасырылған суреттерді тиісті орнына қойып құрастырып, ескерткішке байланысты сұраққа жауап беру қажет.) 3 мин.
6. «Кім жылдам?» — (Әр қатысушы отбасыға тарих, салт-дәстүр, мемлекеттік мерекелер бойынша сұрақтар қойылады. Көп сұраққа жауап берген отбасы ұпай иеленеді.) – 1 мин.
Сайыс нәтижесі бойынша ІІІ орын Сарысу ауданы Дариебековтер жанұясы (100 000 теңге), ІІ орын Меркі ауданы Утеевтер жанұясы (100 000 теңге), І орын Тараз қаласы Абумаликовтер жанұясы (150 000 теңге) арнайы дипломмен марапатталды.
TURANINFO.KZ
