Ішкі істер министрлігі мен Цифрлық даму, инновациялар және аэроғарыш өнеркәсібі министрлігі тиісті бұйрыққа қол қойды.
Қызметтер электронды үкімет порталы мен мобильді қосымшалар арқылы ұсынылады.
«Қолданыстағы тәртіпке балама нұсқа ретінде «Қазақстан Республикасының азаматтарына паспорттар, жеке куәліктер беру» мемлекеттік қызметін көрсету жөніндегі пилоттық жоба онлайн форматта іске қосылсын. …Осы бірлескен бұйрық ресми жарияланған күнінен кейін күшіне енеді және 2026 жылғы 31 наурызға дейін қолданылады», — деп жазылған құжатта.
Жобаны жүзеге асыру шығынды қажет етпейтіні айтылды.
Жоба 19 наурызға дейін қоғамдық талқылау үшін «Ашық НҚА» порталында жарияланған.
