Бүгінгі таңда Жамбыл облыстық мәдениет, архивтер және құжаттама басқармасына қарасты мәдениет, архив мекемелерінің саны – 538. Оның 27-сі басқармаға, 511-і Тараз қаласы мен аудан әкімдіктеріне бағынысты. Олардың қатарында 194 мәдениет үйлері мен клуб мекемелері, 274 кітапхана, 2 облыстық драма театрлары, облыстық филармония, 2 кинотеатр, 17 музей, облыстық халық шығармашылығы орталығы, облыстық кино орталығы, тарихи-мәдени ескерткіштерді қорғау және қалпына келтіру дирекциясы, «Руханият және тарихтану орталығы», 12 архив мекемелері бар. 2021 жылы мәдениет саласын қаржыландыруға 7,5 млрд. теңге бөлінген. Оның ішінде мәдениет басқармасына бөлінген қаржы көлемі – 2,384 млн. теңге.
2021 жылы «Жұмыспен қамтудың жол картасы бағдарламасы және «Ауыл ел бесігі» жобасы аясында 5 нысанның: Қордай ауданы Отар ауылы – 180 орындық, Жамбыл ауылы – 90 орындық, Жамбыл ауданы Өрнек ауылы – 140 орындық, Жуалы ауданы Нұрлыкент ауылында 180 орындық және Шу ауданы Д.Қонаев ауылы – 180 орындық мәдениет үйлерінің құрылысына қаржы бөлініп, тиісті жұмыстар жүргізілуде. Сонымен қатар, ағымдағы жылы 8 мәдениет нысанына: (Жуалы ауданы Б.Момышұлы ауылы, Сарысу ауданы Саудакент ауылы, Мойынқұм ауданы Жамбыл ауылы, Т. Рысқұлов ауданында 3 (аудандық мәдениет үйі, Құлан ауылдық клубы, Каменка ауылында мәдениет үйі), Шу ауданында 2 нысан) мәдениет үйлерінің күрделі жөндеу жұмыстарына қаржы бөлінген.
Ағымдағы жылы екі мәрте Социалистік Еңбек Ері Жазылбек Қуанышбаевтың 125 жылдығына орай Ж.Қуанышбаев атындағы Мойынқұм аудандық музейіне жөндеу жұмыстары жүргізілуде. Бүгінгі күні облыста 194 мәдениет үйлері мен клубтар тұрғындарға мәдени-көпшілік қызмет көрсетіп келеді. Аталған клуб мекемелерінің 162 – типтік ғимаратта орналасса, 32 клуб бейімделген (ыңғайластырылған) ғимаратта жұмыс атқарып келеді. Облыс көлемінде 802 клуб құрылымдарына 9283 адам тартылған. «Халықтық» атағы бар ұжымдар саны 55, ал қатысушылар саны — 1690. Облыстағы клуб мекемелерінің материалдық-техникалық базасын нығайтуға 2021 жылдың 6 айында жергілікті бюджеттен 40 380,0 мың теңге бөлініп, қажетті құрал-жабдықтармен қамтамасыз етілді. Облыс көлемінде 274 мемлекеттік кітапхана бар. Олардың қатарында облыстық-3, қалалық-8, аудандарда-263. Облыс кітапханаларының кітап қоры 3 699 234 дананы құрап, оның мемлекеттік тілдегісі 1 953 554-ке жетті. Кітап берілімі — 2 521 291, ал келушілер саны – 1 275 945. Бүгінгі таңда облыстағы 274 кітапхананың 267-сі интернетке қосылған. Барлық кітапханалар 100% компьютермен қамтылып, автоматтандыру бағытында РАБИС, АИС-СБРК, АБИС, КАБИС бағдарламасының «Каталогтаушы» модулі бойынша жұмыс жасайды.
Қазіргі уақытта 139 ауылдық округте кітапханалар жанынан 204 цифрландырылған ақпараттық және коворкинг орталықтары ашылып, халыққа ақпараттық қызмет көрсетуде. Ағымдағы жылы кітапхана саласындағы жетістіктердің бірі — республикалық «Рухани қазына — 2021» фестивалінде Жамбыл облыстық көзі көрмейтін және әлсіз көретін азаматтар кітапханасының қызметкері Ербол Бегимов «үздік кітапхана қызметкері» атанса, Ш.Уәлиханов әмбебап ғылыми кітапханасы «Ж.Жабаев — 175» арнайы номинациясымен марапатталған.
Материал Жамбыл облысы әкімдігінің ішкі саясат басқармасының тапсырысы бойынша дайындалды
