Жамбыл жоғары медициналық колледжінің базасында «Анатомия және физиология үздігі – 2023″республикалық кәсіби конкурсы ұйымдастырылды.
Жарыстың мақсаты-болашақ медбикелердің «Анатомия және физиология»пәні бойынша теориялық және практикалық білім деңгейін тексеру. Медициналық және әлеуметтік күтім саласындағы қызметкерлердің кәсіби шеберлігін арттыру, логикалық ойлауды, есте сақтауды, осы саладағы жұмыс әдістерін және денсаулық сақтау саласында қызмет көрсету сапасын жақсарту.
Іс-шараның ашылу салтанаты кезінде Жамбыл облысы әкімдігінің денсаулық сақтау басқармасының басшысы Жанар Оспанова кіріспе сөз сөйледі.
— Құрметті қатысушылар мен қонақтар! «Анатомия және физиология бойынша үздігі – 2023» республикалық кәсіби байқауына қош келдіңіздер!
Медицина саласы — адамзаттың әл-ауқаты үшін өте маңызды. Бүгінгі таңда заманауи технологиялардың арқасында бұл салада күн сайын жақсы жаңалықтар көбейіп келеді. Біз әлемнің көптеген ғалымдары осы саладағы адамзаттың игілігіне үлес қосқанын білеміз. Сіздер медицина саласындағы ғалымдар мен мамандардың жалғасы болып табыласыздар. Медицина-күрделі және қызықты сала. Бұл мамандық басқа бірде-бір мамандық бермейтін, адамның үлкен жауапкершілігін талап ететін сала.
Құрметті студенттер, сіздердің талант, еңбекқорлықтарыңыз және педагогтар мен ата-аналардың қолдауының арқасында сіздер республикалық конкурсқа қатысудасыздар. Бұл — үлкен жауапкершілік! Сіздер барлық күш-жігерлеріңізді салып, жеңіске жету жолында табандылық танытуларыңыз керек. Естеріңізде болсын, байқауға қатысу – бұл тақырыпты терең және жан-жақты білу ғана емес, сонымен қатар стандартты емес ойлау, шығармашылық көзқарас болып табылады. Бүгінгі байқаудың барлық қатысушыларына тамаша нәтижелер мен жеңістер тілеймін! Батыл болыңыздар және жаңа биіктерге ұмтылыңыздар,- деді Жанар Мықтыбекқызы жарысқа қатысушыларға.
Турнирге алты кезең бойынша, презентация, жаңа технологияларды қолдана отырып, «Анатомия және физиология» пәнінің тақырыптары негізінде, электронды кітап дайындаумен үй тапсырмасы), виртуалды құпия жәшікпен жұмыс, адамның ішкі мүшелерінің сипаттамасы, тест тапсырмаларын орындау және Пироговтың анатомиялық үстелінде ұсынылған бұлшықеттердің сипаттамасы бағытында тапсырмалар берілді.
Қазылар алқасының құрамына Жанар Оспанова, «Senim «Денсаулық сақтау жүйесі қызметкерлерінің салалық кәсіптік одағы» РҚБ Жамбыл облыстық филиалының төрағасы Гүлмайра Момбекова, облыстық көпсалалы балалар ауруханасы бас дәрігерінің ішкі аудит жөніндегі орынбасары Гүлбану Садықова, Жамбыл жоғары медициналық колледжінің «Анатомия және физиология» пәнінің оқытушысы Динара Назарова және т. б. кірді.
«Анатомия және физиология үздігі-2023» атағы үшін 15 команда күресті:
1. Республикалық жоғары медициналық колледж (Алматы қ.),
2. «Даналық» жоғары медициналық колледжі. З. Ғ. Мырзағұлова
3. Қарағанды облыстық жоғары мейіргер колледжі
4. Атырау жоғары медициналық колледжі
5. Шымкент қ. ДСБ жоғары медициналық колледжі
6. «Тараз-Болашақ» жоғары медициналық колледжі
7. «Мейір-Бейс» жоғары медициналық колледжі
8. Талдықорған жоғары медициналық колледжі
9. «Интердент» жоғары медициналық колледжі
10. Алматы қ. ДДСҰ жоғары медициналық колледжі
11. Талғар жоғары медициналық колледжі
12. Көкшетау жоғары медициналық колледжі
13. Түркістан жоғары медициналық колледжі
14. «Арыстанбаб» жоғары колледжі
15. «Болашақ»Ақтөбе қалалық жоғары көпсалалы колледжі
Сараптамалық комиссия конкурсының нәтижелері бойынша орындар былайша бөлінді: Шымкент қ. ДСБ жоғары медициналық колледжінің «Atlas» командасы — Гран-при жүлдесімен, бірінші орынды — Талдықорған «7su anatomdary» жоғары медициналық колледжінің студенттері, екінші орынды — Алматы жоғары медициналық колледжінің «T-киллер» командасы, үшінші орынды «Энцефалон» командалары бөлісті»Атырау жоғары медициналық колледжі және» Genesis » Түркістан жоғары медициналық колледжі алды.
Дереккөз: Жамбыл облысы денсаулық сақтау басқармасының баспасөз қызметі
