Қала көшелеріндегі түнгі жарықтандыруға рейд жүргізілді

Тараз қаласының әкімі Ғалымжан Әбдірайымовтың бастамасымен қала көшелірінің жарықтандыру мәселесі бойынша түнгі рейд өткізілді. Рейдке мүдделі қалалық әкімдік бөлімдердің басшылары мен бұқаралық ақпарат құралдары қатысты.
Рейд барысында Тәуке хан көшесіндегі « Алтын жұлдыз » кафесінің «т» әріпі сөніп тұр.

«Бәйтерек» мөлтек ауданындағы көше бойында орналасқан әлеуметтік билбордтар жарықтандырылмаған. «Алатау» дүкені жанында құрылыс жүргізілуде, сыртындағы қоршауы ұсқынсыз. Көше бойында тандыр пеш қойылып, нан сатылуда.

Рейд барысында мамандар түсіндіру жұмыстарын жүргізіп, санитарлық талапқа сай келмейтін пеш алынып тасталды.
Одан кейін Б.Момышұлы көшесіне мұндағы «Жансая» кафесінің 2 әріпі жанбай тұрғаны анықталды. Аялдамада тауық сатып тұрған дүңгіштектегі әйел, халатсыз, санитарлық кітапшасы жоқ, кір-қожалық күйінде тауық сатуда. «Бақыт» дүкенінің жанында сыра дүңгіршегі қойылған мұнда кәуап сатылуда. Электр жарығының сымы от үстінен өткізілген, жалын тиген сымдар әбден қарайып, өрт қауіпі төніп тұр.

«Жансая» мөлтекауданы 30 үйдің жанында қымыз сататын киіз үй тігілген. Киіз үй ішінде су, ыдыс аяқтар жуатын орын жоқтың қасы.

Жанында «Оңтүстік» әлеуметтік-азық түлік корпорациясының дүңгіршегі орналасқан. Дүңгіршектің түрінен-ақ мұндағы тұрғындар шошып, кірмейтін болуы керек, ішінде бұршақ пен қара құмықтан басқа азық-түліктің қарасы көрінбейді. Сыртқы келбетіндегі жазу да жоқ, бетондалмаған, жан-жағы лас, шөп қаулап кеткен, арық тазаланбаған. Сыртта күн асында сүт сатылады екен.
«Қайқармет» базарының қарсысында «Әмір и Д» дәріханасының «Ә» әріпі түнгі жарығы сөніп тұр. Мұнда 4 дүңгірек орналасқан. Қала әкімі осы дүңгіршектерді бір келбетті етіп,нобайын дүңшіршек иелеріне ұсыныуды сәулет және қала құрылысы бөліміне тапсырды. Автобус тұрағы жанында вулканизация жұмыс істеуде. Қала әкімі «мынадай вулканизация 19 ғасырда болмаған шығар» деп таңданысын жасаырмады. Сыртқы келбеті ұсықсыз ғана емес, жанынан кафе құрылысы жүргізілуде. Қала әкімі жер қатынастары бөліміне жер телімінің иесін анықтап, тексеру жұмыстарын жүргізуді тапсырды.

Сонымен қатар Сейфуллин көшесінің бойында салынып жатқан жапсарлас құрылыстардың заңдалықтарын анықтауды және ғимараттардың, Көшеней көшесіндегі шағын базардың қасбеттерінің жаңа нұсқасын әзірлеуді О.Көпжасаровқа тапсырды. Көшедегі 6 электр бағанының сымдарын қалпына келтіруді тұрғын-жай коммуналдық шаруашылық,автомобиль жолдары және жолаушылар көлігінің басшысы Б.Жақсылықовқа тапсырды. Рейд барысында Жамбыл даңғылы бойындағы бірқатар кәсіпкерлік нысандарының сыртқы келбетінің үйлесімділігі нашар, түнгі жарықтандырумен қамтамасыз етілмеген, нысандар көптеп анықталды. Бұлардың барлығына кәсіпкерлік бөлімінің мамандары арнайы шығып , сыртқы келбетін қала келбетіне сәйкестендіру жөнінде ескертулер берілетін болады.