«Мерейлі отбасы-2017» Ұлттық конкурсының облыстық турының жеңімпаздары марапатталды
Бүгін Жамбыл облысында «Мерейлі отбасы-2017» Ұлттық конкурсының облыстық кезеңінің жеңімпаздары анықталып, жүлдегер отбасыларды марапаттау шарасы өтті.
Конкурстық комиссия шешімі бойынша бас жүлдені таластық Әбілдаевтар отбасы жеңіп алды. Ал І орынды меркілік Арыстанбаевтар отбасы, ІІ орынды Өнербековтар отбасы (Жамбыл ауданы), ІІІ орынды сарысулық Владимирь Эбельдің отбасы иеленді.
Бас жүлдені иеленген жеңімпаз отбасыға-500 мың, І орын жеңімпазына-400 мың, ІІ орын жеңімпазына-300 мың және ІІІ орын жеңімпазына-200 мың теңгенің ақшалай сертификаттары табыс етілді.
Облыстық турдың бас жүлде және І орын иегерлерінің құжаттары конкурстың республикалық кезеңіне қатысу үшін Астана қаласына жіберілетін болады.
Жалпы облыс бойынша конкурсқа 152 отбасы қатысуға өтініш білдіріп, облыстық кезеңге 44 отбасы жолдама алған болатын.
TURANINFO.KZ
