«Бүгінгі таңда бұл модель Hugging Face ашық порталдарында жарияланды. Кез келген адам осы модельді жүктеп алып, осы модель негізінде өздері үшін жасанды интеллект өнімдерін жасай алады», — деді спикер ОКҚ алаңында өткен баспасөз конференциясында.
Сонымен қатар, есептеу қуаттары мен дайын модельдерге қол жеткізуге мүмкіндік беретін ұлттық ЖИ платформасы жасалып, пайдалануға берілген.
Суперкомпьютер дайындауға баса назар аударылады.
«Суперкомпьютер – бұл өте қысқа уақыт ішінде көп көлемдегі деректерді өңдеуге үйрете алатын жоғары өнімді есептеу қуаты. Есептеу қуатынсыз ЖИ бойынша модель жасау мүмкін емес», — деді Ғиззат Байтұрсынов.
Оның айтуынша, қазіргі уақытта еліміз сараптамалық лицензия алу сатысында. Ал оны алғаннан кейін қондырғы Қазақстанға жеткізіледі.
ҚР ЦДИАӨМ Баспасөз қызметі
