«Қазақстан ОПЕК+ Бірлескен министрлік мониторинг комитетінің кешегі 58-отырысы аясында ОПЕК+ келісіміне адалдығын растайды. Қазақстан 2025 және 2026 жылдары өз міндеттемелерін орындау және 2024 жылға артық өндірісті өтеу үшін қажетті шараларды қабылдайды», — делінген хабарламада.
Ведомствоның хабарлауынша, Қазақстан Теңіз кен орнын кеңейту жөніндегі жобаның іске қосылуына байланысты биыл өндірістің ұлғаюына қарамастан, ОПЕК+ келісімі шеңберінде міндеттемелерді сақтаудың маңызды екенін растайды және халықаралық құқық шеңберінде әріптестермен келіссөздер жүргізеді.
Айта кетейік, 3 ақпанда ОПЕК+ комитеті қазіргі мұнай өндіру саясатын сақтау туралы шешім қабылдады. Қатысушылар келісімді сақтаудың және артық өндірілген өнімнің орнын толтырудың маңызын айтты. Сондай-ақ олар өндірісті арттыруды 1 сәуірге ауыстыру нарықты тұрақтандыруға көмектескенін атап өтті.
