Ағымдағы жылдың сәуір айында Мемлекет басшысы әйелдер мен балаларға қатысты кез келген сипаттағы зорлық зомбылық үшін жауапкершілікті қатаңдататын заңға қолды.
Алайда, қала аумағында отбасылық-тұрмыстық қылмыстар тоқтамауда, оның ішінде ата аналар балаларды тәрбиелеу кезінде шектен шығып, денсаулықтарына зиян тигізу деректері де бар.
Атап айтқанда, 15.09.2024 жылы бұрын сотты болған «М» есімді жанжалшы әке спирттік ішімдік ішіп, өзінің кәмелетке толмаған ұлын ұрып-соғып, нәтижесінде қолын сындырып дене жарақатын келтірген.
Спирттік ішімдіктің кесірінен отбасына жүйелі түрде қол көтеріп, тыныштықтарын бұзатыны анықталды.
Бұл факт бойынша ҚК 107-бабы 2-бөлігі 8-тармағымен сотқа дейінгі тергеп-тексеру басталды.
Тәжірибеде мағыналас қылмыстар бойынша күдіктелген тұлғаға күзетпен ұстау бұлтартпау шарасы сирек қолданылады.
Прокуратураның принциптік ұстанымының арқасында, тергеу сотының алдында күдіктінің жүйелі түрде отбасына қастандық жасайтынын негіздеу нәтижесінде, жанжалшы әкеге қатысты «күзетпен ұстау» бұлтартпау шарасын қолданылды.
Аталған санаттағы қылмыстық құқық бұзушылықтың санкциясына сәйкес тек бас бостандығына айыру жазасы көзделгені ескертіледі.
Президенттің 02.09.2024ж. халыққа жолдауында тұрмыстық саладағы жасалған қылмыстар басты назарға алынды.
Сондықтан бұл санаттағы қылмыстар қала прокуратурасының аса бақылауында.
Тараз қаласының прокуратурасы
