Орталықтың мақсаты — азаматтардың проблемалық мәселелерін анықтау және оларды шешу бойынша талдау жұмыстарын жүргізу.
Бас Прокурордың нұсқауымен жыл басынан бері «Ахуал орталығы» пилоттық режимде жұмыс басталған.
Бүгінгі күні прокурорлар Полиция департаментінің Жедел басқару орталығының камераларына, тергеушілердің қызметтік бөлімшелеріне және қылмыстық-түзету жүйесінің мекемелеріне, сондай-ақ ҚСжАЕАК ақпараттық жүйелеріне қосылды.
Орталықтың мақсаты — азаматтардың проблемалық мәселелерін анықтау және оларды шешу бойынша талдау жұмыстарын жүргізу.
Жұмыс бағыты блоктар бойынша (сотқа дейінгі тергеп-тексеру, жедел-іздестіру қызметі, жол-көлік оқиғалары және әкімшілік құқық бұзушылықтар арқылы) жүргізіледі.
Мысалы, сотқа дейінгі тергеп-тексеру қылмыстың негізгі көрсеткіштеріне, азаптаулар туралы мәлімдемелерге, жеткізілген адамдар мен қабылданған түпкілікті шешімдерге күнделікті мониторинг жасалады.
Егер нәтижесіне келсек, биыл белгіленген мерзімінен аса ұстаумен конституциялық құқықтары бұзылған 26 азамат полиция органының қызметтік бөлмелерінен босатылды.
26 адамның 12-сін прокурорлар «Ахуал орталығының» көмегімен деректерді талдау кезінде босатқан.
Қызметтік бөлмелердегі орналасқан бейнебақылау камераларын бақылауға ерекше назар аударылады. Осы бақылаудың нәтижесінде қылмыстық қудалау органдарымен азаптау фактілеріне жол берілмеді.
Орталық жұмысының тағы бір бағыты — қылмыскерлерді, із-түзсіз жоғалғандарды және борышкерлерді іздеу болып табылады.
Орталықтың деректер базасы іздеуде жүрген тұлғалардың жеке мәліметтерін автоматтандырылған түрде алады.
Қазіргі уақытта қабылданған шаралардың тиімділігі үшін адамдар көп жиналатын орындарда, медициналық мекемелерде, Қоғамдық денсаулық сақтау орталығында және басқа да ұйымдарда орналасқан бейнебақылау камераларынан алынған бейнелерді біріктіру жұмыстары жүргізілуде.
Іздеудегі адамдардың суреттерін анықтау кезінде оның орналасқан жері туралы сигнал одан әрі ұстау шараларын қабылдау үшін уәкілетті органға жіберіледі, сондай-ақ мәлімет Орталыққа да жүктеледі.
Орталықтың тағы бір өзекті бағыты — жол-көлік оқиғаларының алдын алу.
Автоматты режимде жол-көлік оқиғаларының түрлері, олардың жасалу себептеріне сәйкес бөлінген деректері мен динамикасы алынады, сондай-ақ әкімшілік құқық бұзушылықтар бойынша материалдарды қашықтықтан зерделеу мүмкіндігі бар.
Нәтижесінде жалған құжаттар арқылы оларды жүйелі түрде заңсыз тоқтату фактілері анықталды (кінәлі полиция қызметкері жұмыстан босатылып, тиісті бөлімше басшылығы қатаң тәртіптік жауапкершілікке тартылды).
Орталықтың мәліметтерімен жұмыс істей отырып, проблемалық мәселелерді шешу жолдарын ізденіп, соның ішінде стандартты емес тәсілдерді қолданамыз.
Мысал ретінде, қол қою сатысында профилактикалық жұмыстар мақсатында ақпарат алмасуды көздейтін «Inservice» (Indriver) ЖШС-мен өзара ынтымақтастық туралы Меморандумға қол қою туралы айтуға болады, сондай-ақ жұмыс уақыты мәселесін қарастыру (қайталанатын құқық бұзушылықтар жасаған жүргізуші, сондай-ақ жұмыс уақытының шегінен асып кеткен жүргізушіге тосқауыл қойылады).
Жамбыл облысы прокуратурасының баспасөз қызметі
