Жамбыл облысы бойынша «Қазсушар» филиалы Қордай ауданының шаруаларын 11 млн текше метрге жуық суармалы сумен қамтамасыз етті. Нақты суарылған жер көлемі 6500 га.
Алдын ала жоспар бойынша Қордай ауданына биылғы суару маусымына 155 млн текше метр су қажет. Бүгінгі күні каналдар арқылы су беру жөнінде дихандармен 555 келісімшарт жасалды.
Филиал суару кезеңінің тұрақты өтуін қамтамасыз ету мақсатында Қақпатас гидротехникалық құрылысын жөндеді. Правая ветка, Қарасу коллектор каналдарының 7 шақырымы тазартылып, 6 гидробекетке жөндеу-қалпына келтіру жұмыстары жүргізілді.
Су ресурстары және ирригация министрлігінің баспасөз қызметі
