2024 жылы «Шөлдаланы» тұрақты электр желісімен қамтамасыз етуге қосалқы электр стансасын салу жоспарлануда.
Биыл 76 көшеге түнгі жарық шамдарын орнату жоспарда.
2024 жылы 500,0 млн. теңгеге 25 ауланы абаттандыру бойынша мемлекеттік сатып алу рәсімдері жүргізілуде.
Өткен жылы 600 қоқыс контейнері алынды.
Биыл5,4 млрд. теңгеге 53 көппәтерлі тұрғын үйлер жөндеуден өткізіледі.
Көгалдандыру және жасыл аймақ құрудың жоспарына сәйкес «Жасыл белдеу» бағдарламасы аясында 2024 жылы 20 мың түп ағаш отырғызылады.
Биылдан бастап қаладағы гүлзар, жол жиегіне бір жылдық гүлдердің орнына 1 млн. жуық көпжылдық гүл түрлері отырғызылады.
2024-2025 жылдары «Түйте» каналының бойын абаттандыру жұмыстары жүргізіледі. ГИДРО кешенінің артында орналасқан ескі саябақта заманауи үлгіде абаттандыру жұмыстары қолға алынады. ЖСҚ әзірленуде. Болжамды құны 800,0 млн. теңге.
Қоғамдық көлік саласы бойынша автобус парктерін жаңарту мақсатында 2023 жылдан бастап жыл сайын үлкен және орта сыйымдылықты 70 автобустан алу жоспарланған.
2023 жылы 73 бірлік жаңа автобус жеткізілді.
Ағымдағы жылы 70 автобус жеткізу жоспарланса, оның 10 бірлігі қаңтар айында келіп №40 маршрутта қызмет көрсетуде. Ал қалған 60 автобус есебінен 5 жаңа маршруттарды (№57 маршрут ашылды, №41,31,13,21 маршруттар ашылатын болады)қайта ашу және ескірген автобустарды алмастыру жоспарда.
Қала аумағына 36 дана аялдама орнату үшін қала бюджет есебінен 95,2млн. теңге қаржы қаралып, аялдамалар толығымен орнатылды. Ағымдағы жылы 75 аялдама орнату жоспарда.
Тараз қаласы аумағынан жеке тұрғын үй құрылысын жүргізу үшін жер телімін алу кезегінде бүгінгі күні 120150 азамат тіркелген. Кезекте тұрған азаматтарды жер телімімен қамтамасыз ету мақсатында жалпы көлемі 564,6 га болатын
3 алқапты мемлекеттің мұқтажы үшін алып, қажетті инфрақұрылым жүргізу бойынша жұмыстар жүргізілуде.
Асқаров көшесінің соңы 312 га, «Хамукат» 126 га және «Қарасай» 126,6 га алқаптарында тұрғын алқабын орналастыру мақсатында 19 шаруа қожалығынан жер учаскелерін мемлекет мұқтажына қайтару үшін Тараз қаласы әкімдігінің қаулысы қабылданған.
Тараз қаласының дамуын заманауи жоспарлау, тұрғындарға қажетті әлеуметтік инфрақұрылымдарды тиімді салу мақсатында жаңа Бас жоспар әзірленіп, бекітілді. Қазіргі уақытта қала аумағы 18 787 гектар құраса, жаңа Бас жоспарда аумағы 30 542 гектарды құрады.
Тараз қаласындағы Абай даңғылының темір жол үсті арқылы өтетін жол өткелі мен жаяу жүргіншілер өткелі бөлігінің құрылысын салу мақсатында мемлекеттік сараптама қорытындысы алынып, республикалық бюджетке 16,9 млрд. теңгеге өтінім ұсынылды.
