Премьер-министр Әлихан Смайылов «Қазақстан» шахтасындағы жағдай бойынша кеңес өткізді. Үкімет басшысы қаза тапқан кеншілердің туыстарына көңіл айтты.
Естеріңізге сала кетейік, 17 тамызда шахтада конвейер таспасы тұтанды. Апатты жою жоспары енгізіліп, қызметкерлерді жер бетіне шығару ұйымдастырылды. Шахтадағы 227 адамның 222-сі құтқарылды, бірақ бес Шахтер түтін салдарынан іште қалды.
Құтқару жұмыстарының нәтижесінде екі кеншінің денесі табылды, үш адамды іздеу жалғасуда. Күрделі жағдайларға байланысты өрт ошағын оқшаулау мүмкін болмады, бірақ оны сөндіру шаралары жүргізілуде.
13 адам зардап шекті. Олардың тоғызы улы газбен уланған ауруханада жатыр. Барлық зардап шеккендер тұрақты күйде.
Кеңес қорытындысы бойынша премьер-министр шахтадағы апаттың себептерін тергеуді және зардап шеккен отбасыларға көмек көрсетуді тапсырды. Сондай-ақ, Премьер ТЖМ мен экология Министрлігінен «АрселорМиттал Теміртау» АҚ-ның өнеркәсіптік және экологиялық аудиттерін жедел аяқтауды және тиісті шешімдер қабылдауды талап етті.
Ал жаңа ғана шахтада қалып қойған тағы бір кеншінің қаза тапқаны анықталды. Сонымен апаттан көз жұмғандар саны үшеуге жетті. Тағы екі адам іздестіріліп жатыр.
