Аудиттің басшысының орынбасары Әмірхан Баймағамбетовтың хатында «Талас ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімі» коммуналдық мемлекеттік мекемесінің басшысына қатысты 5 хаттама толтырыпып, 1 725 000 теңгеге айыппұл салынды. Келісімшарттарды төтенше жағдай салдарын жоюға арналған деп көрсеткен. Бірақ аудит қызметкерлері тексеруінен кейін ондай болмай шықты.
“ҚР Әкімшілік құқық бұзушылық кодексі” 207 бабының (Қазақстан Республикасының мемлекеттiк сатып алу туралы заңнамасын бұзу) 11 тармағына (Қазақстан Республикасының мемлекеттiк сатып алу туралы заңнамасында көзделмеген жағдайларда, мемлекеттік сатып алу туралы шартты тікелей жасасу арқылы бір көзден алу тәсілімен мемлекеттiк сатып алуды жүзеге асыру, сол сияқты Қазақстан Республикасының мемлекеттік сатып алу туралы заңнамасында көзделген жағдайларды қоспағанда, бекітілген мемлекеттік сатып алудың жылдық жоспарында (мемлекеттік сатып алудың алдын ала жылдық жоспарында) көзделмеген тауарларды, жұмыстарды, көрсетілетін қызметтерді сатып алу лауазымды адамдарға бір жүз айлық есептiк көрсеткiш мөлшерiнде айыппұл салуға алып келеді) сәйкес 1 725 000 теңгеге айыппұл салынды деп хабарламада көрсетті Әмірхан Баймағамбетов.
Қандай жұмыстарға конкурссыз келісімшарт жасалды?
- Жамбыл облысы, Қаратау қаласындағы Акшораев №1А тұрғын үйдің шатырын күрделі жөндеу
- Көшедегі тротуарды орташа жөндеу Қасқабұлақ ауылындағы су алу аумағындағы ВЛ-10кВ ПС Қарашат 35/10 кВ КТПН-10/04кВ қалпына келтіру жұмыстары б/ша техникалық қадағалау қызметі
- Қасқабұлақ ауылындағы су алу аумағындағы ВЛ-10кВ ПС Қарашат 35/10 кВ КТПН-10/04кВ қалпына келтіру жұмыстары
- Есейхан ауылындағы су алу аумағындағы ВЛ-10кВ ПС Қарашат 35/10 кВ КТПН-10/04кВ қалпына келтіру жұмыстары
- Талас ауданының аудандық маңызы бар автожолдарына жол белгілерін ағымдағы жөндеу және орнату
Бес жұмысқа 472 530 870 тенге жұмсалып , «СтройМонтажGroup» ЖШС, «Темірқазық Г.К» ЖШС, «ТаразМонолитСтрой» ЖШС, «Мак-Дас-Group»ЖШС келісімшарттарға тұрып жұмыстары аяқталған.
