Бұл туралы цифрландыру бойынша Өңірлік коммуникациялар қызметінің алаңында өткен брифингте Жамбыл облысы әкімдігінің цифрлық технологиялар басқармасының басшысы Руслан Маскауұлы Нокрабеков мәлімдеді.
Бүгінгі таңда «Jambyl-109» қызметі 320 мекемемен қоян қолтық жұмыс істейді. Оның ішінде 150 қалалық және аудандық мекеме, 90 ведомствалық және мердігерлік ұйымдар. 36-сы облыстық және республикалық мекемелер. Жүйеге өңірдегі қала мен ауданлық бөлімдер, коммуналдық қызмет түрін ұсынатын мекемелер жұмылдырылған.
2022 жылдан бері жүйеге 79 264 өтініш түскен. Оның 71 423-і өңделіп, жауап берілген. Ал 6737 өтініш мерзімінен кешіктіріліп орындалған. Оның ішінде 32 685 оқиға, 1200 арыз, 345 ұсыныс, 44 911 кеңес берілген.
Басқарма басшысының хабарлауынша «Jambyl-109» қызметімен «Damumed» интеграцияланған медициналық ақпарат жүйесімен интеграциялық жұмыстар жүргізілген. Жамбыл облысының тұрғындары 109 қызметі арқылы «Отбасылық дәрігерге» жазылуға мүмкіндік алды. Жүйе арқылы 5600-дан аса қызмет түрі ұсынылды.
