Жамбыл облысы әкімінің орынбасары, Сарысу ауданында екі рет әкім болған Қанатбек Мәдібектің әкесіне тиесіл жет телімі мемлекет мұқтажы үшін қайтарылуда деп хабарлайды TURANINFO.KZ ақпарат агенттігі.
Қанатбек Мәдібектің әкесі Қайшыбек Мадибеков «Ақтоғай» шаруа қожалығының төрағасы.
Жамбыл облысы мамандандырылған ауданаралық экономикалық сотында Сарысу ауданы әкімінің талап қоюмен Қайшыбек Мадибеков, Талғат Наханов, Талғат Ноғайбаев, Мурат Акбаев, Бердибек Жуматаевтан мемлекет мұқтажы үшін жер телімдерін мәжбүрлеп алып қоюға байланысты азаматтық іс қозғалды.
Азаматтық іс бойынша “Сарысу ауданы әкімдігі жер қатынастары бөлімі” КММ басшысы Ерболат Ұзақбековке хабарласқан болатынбыз. Басшыдан қандай қажеттілік үшін жер телімдері қайтарылып жатқандығы сұрадық.
“Индустриалды картаға сәйкес Еврохимнің болуы тиіс. Қазақстан мен Ресей үкіметі арасындағы келісімшарт жасалынған, сол келісімшартта жерді қамтамасыз етеді делінген. Өзіне міндеттеме алған. Жалпы міндіттемелік келісімшарт ратификацияланған. Сол себепті заң талабына сәйкес барлық келісімге келісу үшін шаралар өтті. Барлығы мемлекетке қайтатын 37 гектар. Сол бес адамға тиесілі. Карьер қазу кезінде түбінен су шығады. Ол суды карьерді ары қарай жалғастыра алмайды, суды буландырып, карьер суға толып қалып, жұмыс жүрмей қалады. Және тиісінше өндіріс тоқтайды. Сондай қауіп төніп тұр. Өндіріс тоқтаса адамдар жұмысссыз қалады. Жұмыс жүрмей қалайын деп тұр. Мемлекет аралық келісім бар. Жердің бәрі “Богара”. Жайқалып тұрған жер емес. Әрбір адамда үш гектардан тоғыз гектардан тиіп тұр. Көбі егін екпеген. Бір екеуі жоңышқа егіп қойған” деді Ерболат Ұзақбеков.
Айта кетерлігі, ауданда ауыл шаруашылығы саласында 9 айда өндірілген өнімнің көлемі 9,3 млрд. теңгені құрап (2021 ж. — 5,6 млрд.), өткен жылмен салыстырғанда 102,3%-ды құрады. Егістік жер көлемі 24 473 гектарды құрап, оның 24 020 гектар жері немесе 99%-ы жоспарлы түрде игерілді.
Пайдаланылмай жатқан 64,3 мың га жер мемлекет меншігіне қайтарылды.
Елді мекен жайылымы 45 мың гектарға ұлғайды.
Мал шаруашылығындағы өнімнің көлемі де артуда. Жыл басынан өндірілген ет көлемі 2,4 %-ға, сүт өнімі 3,1%-ға артты. Есепті кезеңде 324,0 млн. теңгені құрайтын 43 жаңа техника алынды (6 трактор, 37 тіркеме), жаңару көрсеткіші 7%-ды құрады. Жыл аяғына дейін техника жаңарту үлесі 11%-ға жеткізілетін болады.
Әр елді мекеннің шикізаттық мүмкіндіктері зерделеніп, әр округке зәкірлік жобаны іске асыру жоспары тиісті механизмдерімен бекітілді. Бүгінгі күнге жоспарлы 40 жобаның 4-і іске асырылды.
