Сарысу ауданында «Жамбыл облысы жастар ұйымдарының Қауымдастығы» заңды тұлғалар бірлестігінің ұйымдастырумен өмірлік қиын жағдайға түскендерді, мемлекеттік бас бостандығынан айыру орындарынан босатылғандар және пробация қызметінде есепте тұратын азаматтармен іс-шаралар өткізілді деп хабарлайды «TURANINFO.KZ» ақпарат агенттігі.
«Жамбыл облысы жастар ұйымдарының қауымдастығы» заңды тұлғалар бірлестігінің ұйымдастыруымен есепте тұрған азаматтарды қоғамдық ортаға бейімдеу және олапрдың құқықтарын қорғау мақсатында 6 рет психологиялық тренинг-семинарлар өткізілді. Агрессиялық мінез-құлықты анықтау мақсатында «Мейірімді болса жүрек – орындалар тілек» тақырыбында психологиялық тренингтер өткізіліп, сауалнамалар алынды.
Есепте тұрғандарға құқықтарын қорғау және әлеуметтік құқықтарын қалпына келтіру мақсатында 10 рет заңгерлік кеңестер мен құқықтық көмектер көрсетілді.
Құжаттандыру бойынша бас бостандығын айыру орнынан босап шыққан «Б» есімді азаматты мекен-жайға есепке тұрғызылып, жеке куәлік алынып берілді.
Есепте тұрған жастары 29-жасқа дейінгі екі азамат және бас бостандығын айыру орнынан босап шыққан «А» есімді азаматты «Бастау Бизнес» жобасы бойынша оқытылып сертификаттары алынды. Қазіргі таңда қайтарымсыз грант алуға комиссия отырысына бизнес жобалары жіберілді.
«EGOV.KZ» порталы арқылы жеке тұрғын үй құрылысына жер учаскесін 10 сотық алуға кезекке тұруға 1 адамға көмек көрсетілді.
Спорттық және мәдени бағыт бойынша «Жақсы ойын өрнегі» тақырыбында дойбы және тоғызқұмалақтан жарыс өткізіліп, жеңімпаздар мен қатысушылар бағалы сыйлықтармен марапатталды.
Одан кейін, есепте тұрғандарды қоғамдық ортаға бейімдеу және қайта қылмыс жасауды болдырмау мақсатында «Жүйрік болсаң озып көр» тақырыбында аудандық мәдениет үйінің коворкинг орталығында интелектуалды жарыс өткізілді. Жеңімпаздар бағалы сыйлықтармен марапатталды.
Пробация бөлімшесінде есепте тұрғандарды қоғамға бейімдеу және оңалту мақсатында «Жақсы ойын өрнегі» атты дойбыдан жарыс өткізіліп, жеңімпаздарға диплом және бағалы сыйлықтармен марапатталды. Ағымдағы жылдың шілде айында Сарысу аудандық халықты жұмыспен қамту орталығымен өткізілген бос жұмыс орындары жәрмеңкесіне пробация есебінде тұрған жұмыссыз азаматтар қатыстырылып нәтижесінде 3-адам мемлекеттік «жастар практикасы» және «қоғамдық жұмыс» бағдарламалары арқылы жұмыспен қамтылды.
