Ағымдағы жылдың 6 айында Департаментпен Сыбайлас жемқорлыққа қарсы мәдениетті ілгерілету аясында 146 іс-шара ұйымдастырған. Түсіндірме жұмыстарының басым бағыты мемлекеттік және азаматтық қызметшілер, бизнес қауымдастықтары және жастар арасында өткізіліп, онда жемқорлыққа қарсы заңнамадағы өзгерістер, шектеулер, жауаптылықтың күшейтілгендігі туралы тақырыптармен қамтылған.
Сонымен қатар, іс-шаралар қатарында, жауапты лауазымды тұлғаларды түзеу мекемелеріне апару және сыбайлас жемқорлық қылмыс жасаған тұлғаның сот процесіне оның ұжымын қатыстыру сияқты жұмыстар «нөлдік» төзімділікті қалыптастыруға тиімді әсер берген.
Мониторинг жұмыстары.
Департамент жемқорлық тәуекелдерін анықтайтын сыбайлас жемқорлыққа қарсы мониторинг пен сыртқы талдау жүргізу механизмдері кеңінен қолдануда.Атап айтқанда, есептік кезенде 10 сыбайлас жемқорлыққа қарсы мониторинг жүргізіліп, оның қорытындысымен 23 сыбайлас жемқорлық тәуекелдері анықталған.
Мониторингпен ауылшаруашылық техникаларды тіркеу, елді мекенді сумен қамтамасыз ету, артспорт саласы, автокөліктерді бастапқы тіркеуден өткізу бағытындағы тәуекелдерді көрсетті.
Сыртқы талдау жұмыстары.
Кешенді сыртқы талдау жұмыстары да оң нәтиже беруде. Есептік кезенде, Көліктік бақылау инспекциясы, «Тараз» әлеуметтік кәсіпкерлік корпорациясы және облыс әкімдігінің жолаушылар көлігі және автомобиль жолдары басқармасының қызметіне сыртқы талдау жүргізіліп жалпы 46 ұсыныс енгізілген.
Мысалы, жүргізілген талдау барысында тек Көліктік бақылау инспекциясының өзіне 21 ұсыныс енгізілген. Аталған органның ұйымдастырушылық-басқару қызметінің төмен екенін көрсетті. Ол үшін, басшысы және тағы үш қызметкеріне қызметіне толық сәйкес еместігі туралы ескерту түрінде тәртіптік жазаға тартылды. Аталған мәселе, Әдеп жөніндегі кеңес отырысына шығарылып, оның шешімімен инспекция барлық бағыты бойынша жұмысты жандандыру туралы қосымша ұсыныс енгізілді. Оның нәтижесін және болған өзгерістерді тағы қарайтын боламыз.
Сыбайлас жемқорлықтың алғышарттарын жою жұмыстарын ауқымды жүргізілгенімен де, оның салдарымен күрес бағытына да тоқтам қойылған емес. Демек, Агенттікпен жедел-тергеу қызметінің басымдықтары белгіленіп, жүйелі сыбайлас жемқорлықтың, ауыр және аса ауыр сыбайлас жемқорлық қылмыстардың жолын кесуді, мемлекетке келтірілген залалдың уақытылы және толық өтелуіне бағытталған.
Департаментпен есептік кезенде – 66 (2021ж-42) қылмыс тіркелген. Сыбайлас жемқорлық сипатында – 46 тіркелген.
Оның ішінде, сыбайлас жемқорлық деректерінің жүйелі түрлері бойынша – 3 (2021ж-4), кәсіпкерлердің құқықтарын қорғауға байланысты деректері – 3 (2021ж-2), көлеңкелі экономика субъектілеріне лауазымды адамдар тарапынан қамқорлық жасау бойынша – 4 (2).
Қылмыстық жауапкершілікке – 54 (2021ж-26) тұлға тартылған, оның ішінде 2 – республикалық деңгейдегі басшы, 4 – облыс деңгейіндегі және 3 – аудандық деңгейдегі басшы.
Тіркелген қылмыстық істер бойынша 560,3 млн. теңге көлемінде залал келтірілді, қазіргі таңда оны өндіру бойынша шаралар қабылданған.
Ақпарат Жамбыл облысы әкімдігінің ішкі саясат басқармасының тапсырысымен дайындалды
Жатқанбай Әділет
