Қазақстан Республикасы Инвестициялар және даму министрлігі Техникалық реттеу және метрология комитетінің Жамбыл облысы бойынша департаментінің басшысы – Жамбыл облысы мемлекеттік бақылау бойынша бас мемлекеттік инспекторы Алия Ахметова ҚР ҚК 366-бабының 3-бөлігі 2-тармағымен кінәлі деп танылып, 6 000 000 теңге айыппұл салынды.
№2 Тараз қалалық сотының 2022 жылғы 24 мамырдағы үкімімен Техникалық реттеу және метрология комитетінің Жамбыл облысы бойынша департаментінің басшысы А.Ахметова, аталған департаменттің бөлім басшысы К.Киргабакова мен бас маманы М.Сармолдаев ҚР ҚК 366-бабының 3-бөлігі 2-тармағымен кінәлі деп танылып, әрқайсысына мемлекеттік органдарда қызмет атқару құқығынан өмір бойына айыра отырып, 6 000 000 теңге айыппұл салынды.
Жоғарыда аталған тұлғалар алдын ала келісіп, зергерлік сауда орындарында профилактикалық бақылауды тағайындамағаны үшін жеке кәсіпкерден 100 000 теңге көлемінде пара алған.
Соттың үкімі заңды күшіне енген жоқ.
