«Тараз-Болашақ» жоғары медициналық колледжі» ЖШС студенттері мемлекеттік міндеттелген стипендиясын ала алмай жүргендеріне 4 ай болыпты деп хабарлайды TURANINFO.KZ ақпарат агенттігі хабарлайды.
«Тараз-Болашақ» жоғары медициналық колледжінің бас есепшісі Анипа Әлиқызы болған мән жайларды түсіндіріп берді. Бас есепшінің айтуынша биыл 1 рет грант бөлініп тұр, «Зертханалық диагностика» мамандығы бойынша 30 балаға берілді. 30 баланың 26сы қалды. 2 бала оқудан шығарылды, 2 бала академиялық демалыс алды. Бірінші семестрді 30 бала бітірді, екінші семестрде 2 бала денсаулығына байланысты демалыс алды, 2 бала оқудан шықты. Орнына басқа студент келді. 2022 жылдың қаңтардан бері стипендия төленбей тұр. Студентке 20 948 теңгеден төлегенбіз стипендия. 2022 жылы 16759 тг стипендия болады деп айтты. Бірақ келісімшарттан көрмедік, келісімшартта қалай көрсетіледі солай болады. Биылда грантқа қатысамыз. 100 бала аламыз деген ойымыз бар. Биылда грант беріледі, директор аламыз деп отыр. 2022-2023 оқу жылына 100 бала аламыз деген жоспарда бар. Жол ақысы, питание бар. Бір айға 565 000 деп есептедік. 240 000 мың питанияге, жол жүруіне 343 000 тг деп есептедік. Қалалықтарға берілмейді. Алыстан келетіндерге беріледі.
Колледж пікірінен кейін Жамбыл облысы әкімдігі денсаулық сақтау басқармасы басшысы Әсет Қалиевпен жүздесіп, студенттер неге стипендиясыз отыр дегенге сауалыма жауап берді. Әсет Әскерұлының айтуынша “осы апта 10 млн теңге аударатын боламыз” деп қысқа қайырды.
Басқарма басшысы сөзінен кейін «Жамбыл облысы әкімдігі денсаулық сақтау басқармасы» КММ төмендегідей жауап келді:
«Тараз-Болашақ» жоғары медициналық колледжі ЖШС- кәсіптік білім беру бағдарламаларын іске асыратын заңды тұлға мәртебесіне ие кәсіптік білім берудің жеке оқу орны.
Облыс әкімдігінің 2021 жылғы 3 желтоқсандағы №276 қаулысына сәйкес 2021-2022 оқу жылына мемлекеттік білім беру тапсырысын алған. Жергілікті бюджеттік бағдарламалардың әкімшілері ағымдағы қаржы жылының 15 мамырына дейінгі мерзімде мемлекеттік жоспарлау жөніндегі жергілікті уәкілетті органға келесі қаржы жылының бюджеттік өтінімдерін ұсынады. Алайда,оқу орыны қаулы шыққаннан кейін 2022 жылға тиісті бюджеттік өтінім тапсырмағандықтан, өтінім 2022 жылдың нақтылауына ұсынылды. Нақтылауда шәкіртақыға сұратылған 11945,0 мың теңгенің 10000,0 мың теңгесі қолдау тапты.
