ҚР Бас мемлекеттік санитарлық дәрігерінің 2021 жылғы 20 қазандағы №46 — Қаулысын орындау мақсатында Жамбыл облысында 12-17 жас аралығындағы жасөспірімдерді, жүкті және бала емізетін әйелдерді Pfizer вакцинасымен коронавирустық инфекцияға қарсы иммундау жүргізу бойынша дайындық жұмыстары басталды.
Денсаулық сақтау басқармасының вакцина қоймасына облыстық деңгейде -90-нан -60 градусқа дейінгі температуралық режимде Комирнати (Pfizer) вакцинасын сақтауға арналған 2 мұздатқыш алынды. Жақын күндерде Комирнати (Pfizer) вакцинасының алғашқы партиясының аймаққа жеткізілуі күтілуде. Тараз қаласы мен аудандардың емханаларында Комирнати (Pfizer) вакцинасы арнайы термоконтейнерлерде тасымалданады және +2-ден +8 градусқа дейінгі температуралық режимде тоңазытқыштарда сақталады. Осы егу науқанының басында Pfizer екпесі Тараздың тоғыз қалалық емханаларында, Шу қаласының және он аудандық емханалардың егу кабинеттерінде ұйымдастырылады.
Жасөспірімдерге, оқушылар мен студенттерге иммундауды оқу орындарының (мектептер, колледждер) медициналық пункттері базасында, яғни оқу орны бойынша аумақтық емханалардың оқытылған дәрігерлерінің көшпелі егу бригадасы жүргізеді.
Қазіргі уақытта медициналық кадрларды: педиатрларды, акушер- инекологтарды, жалпы тәжірибе дәрігерлерін, вакцинаторларды, мектептер мен колледждердің медицина қызметкерлерін, тіркеушілерді, психологтарды даярлау бойынша семинар-тренингтерде кейіннен Pfizer вакцинасымен егу жұмыстарын жүргізуге рұқсат берумен оқыту жұмыстары белсенді жүргізілуде. Облыстық денсаулық сақтау басқармасы мен санэпидбақылау департаментінің мамандары мобильді топ құрамында Тараз қаласы мен аудандарының медицина қызметкерлерін даярлау және оқу орындарының басшылары мен қызметкерлері, ата-аналар, жасөспірімдер мен антиваксерлер арасында түсіндіру жұмыстарын жүргізу мәселелері бойынша практикалық көмек көрсетуде.
Байзақ, Жамбыл, Жуалы, Сарысу, Талас аудандары мен Тараз қаласындағы он екі республикалық, облыстық және көшпелі өңірлік семинарларда барлығы 700-ден астам медицина қызметкері оқытылды. Сондай-ақ, облыс мамандары өңірлік мамандармен бірлесе отырып, 193 оқу орындарының басшылары, оқытушылары, психологтары, ата-аналары, жасөспірімдері мен антиваксерлері арасында 12-17 жас аралығындағы жеткішектерді вакцинациялау мәселесін талқылау бойынша 30 дөңгелек үстел мен отырыстар өткізді.
Түсіндіру жұмыстарымен барлығы — 1800-ден астам адам қамтылды. Түсіндіру жұмыстарын жүргізу барысында тұрғындардың, ата-аналар мен ұстаздардың барлық сұрақтарына толық жауаптар берілді. Түсіндіру және оқыту жұмыстары жалғасуда.
Денсаулық сақтау басқармасының
баспасөз қызметі
