Қазақстан Республикасы Ақпарат және қоғамдық даму министрлігі, «Азаматтық бастамаларды қолдау орталығы» коммерциялық емес акционерлік қоғамының «Ұрпақтар сабақтастығын және Қазақстан халқының дәстүрлерін танымал етуді қамтамасыз ету жөніндегі шаралар кешенін іске асыру» мемлекеттік гранты аясында «Жамбыл облысы жастар ұйымдарының Қауымдастығы» заңды тұлғалар бірлестігі орта білім беру ұйымдары арасында өткізіліп жатқан «Орта білім беру ұйымдары “Ұлы дала өркениеттері” атты байқауына белсене қатысып жатыр.
Өткізіліп жатқан іс шаралар өскелең ұрпақты Қазақстан халқының мәдениетін, ана тілін, ұлттық дәстүрлерін сақтауға және дамытуға, дәстүрді жаңғырту және дамыту мәселелеріне, ұлттық және мәдени бірегейлікті сақтауға, сондай-ақ жастарды өз халқының мәдениетіне, халық шығармашылығына жанашыр болуға тартуға өз септігін тигізіп жатыр.
Жамбыл облысы, Шу ауданы, Төлеби ауылындағы Ермұхан Бекмаханов атындағы мектеп -гимназия ұстаздары, оқушыларының қатысуымен «Нағыз қазақ қазақ емес, нағыз қазақ домбыра» атты флэшмоб-акция ұйымдастырылды. Белгілі сазгер, Шу ауданының тумасы Әбдімомын Желдібаевтың «Ерке сылқым» күйі орындалды. Шараға 100-ден астам тұрғындар қатысты.
«Мәдениет-ұлттық қайта өркендеу коды» атты «дөңгелек үстел» отырыстарын орта білім ұйымдары өткізілуде. Оның ішінде Маңғыстау облысының білім басқармасының Ақтау қаласы бойынша білім бөлімінің «Н. Оңдасынов атындағы №5 жалпы білім беретін мектеп» КММ аталмыш кездесуі өтті. Кездесу кешіне арнайы қонақ ретінде педагог, Маңғыстаулық ардагер ұстаз, Қазақстан Республикасы Әділет министрлігі авторлық құқық «Ұлттық код» (ғылыми туынды) объектісіне мемлекеттік тіркелген Қосай Ордалы Мұқанұлы және Маңғыстау өңірінің ардагер ұстазы Сүйінғара Дәметкен Көсікбайқызы қонақ болды. Отырысқа пән мұғалімдер және жас мамандар, қалалық білім үйлестіру орталығының тәрбие ісі жөніндегі әдіскері Құрмашева Кәмшат Меңдіқалиқызы және 10-11 сынып белсенді оқушылары қатысты.
«Ұлттық қолөнер – тәрбие көзі» тақырыбында көрме ұйымдастыру сайысына «№63 ЖББМ» белсенді қатысып жатыр. Көрмеге мектеп ұстаздары оқушылармен жасалған жұмыстарын көрсетті. Көрмеге ұстаздар мен оқушылар қолдан жасаған өнімдерін ұсынды. Атап айтатын болсақ: Алтын адамдар, киіз үй жабдықтарымен, батырдың киімі мен қару-жарағы, Фатима ханшайымның киімі және т.б.
Байқауға “Орта білім беру ұйымдары арасында өткізілетін «Ұлы дала өркениеттері» атты байқауы аясында 138 білім беру ұйымы өтінім берді. Айта кетейік, байқаудың жүлде қоры 1 800 000 (бір миллион сегіз жүз мың) теңгені құрайды. Сыйлықақы бағалау талаптарына сай ең жоғары ұпай жинаған үш ұйымға беріледі. І орынға бір миллион теңге, ІІ орынға бес жүз мың теңге, ІІІ орынға үш жүз мың теңге қарастырылған.
