Сарысу ауданы бойынша 2021 жылдың қаңтар-маусым айларының қорытындысы бойынша өнеркәсiп кәсiпорындары 16 млрд. 275,6 млн. теңгенің өнімдерін өндіріп, өнеркәсiп өнiмдерiнiң нақты көлем индексi өткен жылдың тиісті кезеңімен салыстырғанда 102,9 %-ға орындалған. Ал 2021 жылдың қаңтар-маусым айларында ауыл шаруашылығында өндiрiлген өнiм ағымдағы бағалармен есептегенде 3 млрд. 562,4 млн. теңгенi құрап, өткен жылдың тиісті кезеңімен салыстырғанда 104,3 %-ға орындалған. Сондай-ақ, 2021 жылдың қаңтар-маусым айларының қорытындысы бойынша негізгі капиталға салынған инвестициялардың жалпы көлемі – 12 млрд. 144,1 млн. теңгені құрап, өткен жылдың тиісті кезеңімен салыстырғанда 109,3 % орындалған. 2021 жылдың қаңтар-маусым айларында аудан көлемінде атқарылған құрылыс жұмыстарының көлемі – 2 млрд. 588,5 млн. теңгені құрап, нақты көлем индексі 100,1% орындалған.
Ауданда 2021 жылдың қаңтар-маусым айларында жалпы алаңы 6435,0 шаршы метр болатын тұрғын үй пайдалануға беріліп, өткен жылдың тиісті кезеңімен салыстырғанда 76,3%-ға орындалған. 2021 жылдың қаңтар-маусым айларының қорытындысымен бөлшек сауда тауар айналымы 800,9 млн. теңгені құрап, өткен жылдың тиісті кезеңімен салыстырғанда 103,8 % — ға орындалған. Ал мемлекеттік бағдарламалар шеңберінде 2021 жылға 10 жобаға 6,9 млрд.теңге бөлінген. Оның ішінде аумақтарды дамыту бағдарламасы – 4 жобаға 4661,5 млн. теңге бөлінген.
Жаңатас қаласындағы «ЕвроХим-Қаратау» ЖШС-ның химиялық кешеніне дейін жоғары қысымды газ құбырының құрылысы, Жамбыл облысы Сарысу ауданы 14 елді мекендерін: Қызылдихан, Маятас, Жайылма, Өндіріс, Саудакент, Игілік, Жаңаталап, Ұйым, Сыздықбаев, Ақтоғай, Жаңатас, Үшбас, Бүркітбаев, Арыстандыгаз құбырларын салу мен газдандыру, Қызыл Дихан ауылындағы суару науасын ауыстыру және орнату жұмыстары, Жамбыл облысы, Сарысу ауданы, Жаңатас қаласындағы «Жаңатас Су-Жылу» КМК-ның орталық қазандығына табиғи газбен жұмыс істейтін су жылыту қазандықтарды қосалқы жабдықтармен орнату мен кеңейтілген жанама нысаны құрылысын салу» жобасы бойынша жобалық-сметалық құжаттаманы кешенді және ведомствадан тыс сараптамадан өткізуге арналмақ.
Бизнестің жол картасы – 2025 мемлекетік бағдарламасы – 3 жобаға 891,2 млн. теңге қарастырылған. Байқадам ауылдық округіндегі С.Д. Искаковтың «Шалқыма» шаруа қожалығын «Жамбыл электр жүйелері» ЖШС-нің электр жүйесіне қосу, Жаңатас цемент зауытын электрмен жабдықтау үшін 35 кВ ӘЖ және 35/кв ҚС салу, «Qazaq soda» ЖШС кальцийленген сода өндіру бойынша жаңадан іске қосылатын зауытты электрмен жабдықтауға бағдарланған.Тұрғын үй-коммуналдық дамудың 2020-2025 жылдарға арналған «Нұрлы жер» мемлекеттік бағдарламасы – 3 жобаға 1367,4 млн. теңге қарастырылған.
Материал Жамбыл облысы әкімдігінің ішкі саясат басқармасының тапсырысы бойынша дайындалды
