Ағымдағы жылдың 1 шілдесіндегі мәлімет бойынша, Жамбыл облысында коронавирусты инфекцияның 45 жағдайы тіркелген, оның ішінде 12 симптомдық, 33 симптомсыз. Барлық симптомдық вирус тасымалдаушылар өз өтініштерімен сынақтан өткен.
Олар жоғары температураға, жөтел, тамақ ауруы мен әлсіздікке қатысты шағымдармен жүгінген. Тараз қаласындағы 52 жастағы әйел мен 61 жастағы ер адамдан коронавирус анықталғса, Қордай ауданында 30 бен 71 жас аралығындағы тұрғындар арасында 6 жұқтыру оқиғасы тіркелген. Сарысу, Байзақ, Талас, Меркі аудандарында бір-бір жағдайдан тіркелген. Симптомдық науқастар инфекциялық стационарға жеткізілді. Олармен байланыста болған адамдар карантинге оқшауланып, ошақтарда қорытынды дезинфекция жүргізілді.
Сондай-ақ, өткен тәулік ішінде Таразда 24 пен 63 жас аралығындағы тұрғындар арасында 11 симптомсыз оқиға тіркелген. Оның ішінде бір байланыста болған тұлға бар. Қордай ауданында 14 пен 67 жас аралығындағы тұрғындар арасынан 8 жаңа оқиға расталған десек, оның екеуі байланыста болғандар. Сонымен қатар, 3 оқиға Байзақ ауданында, Шуда- 4, Меркіде — 1, Жуалыда – 4, Мойынқұмда -2 тасымалдаушы анықталған. Олардың барлығы үй карантиніне алынған. Ағымдағы жылдың 1 шілдесіндегі жағдай бойынша Жамбыл облысы аумағында коронавирусты инфекцияның 1468 жағдайы расталған. Барлық індет жұқтырғандардың 511-і сауығып, дәрігерлердің қадағалауындағы үй карантиніне шығарылды.
