Жамбыл облысы әкімдігі денсаулық сақтау басқармасының басшысы Марат Жұманқұлов Жамбыл ауданы орталық ауруханасының бас дәрігері Алтай Саурықовты ҚР Еңбек кодексінің 52 бабының 1 тармағының 13 тармақшасын басшылыққа алып жұмыстан босатқан деп хабарлайды «TURANINFO.KZ» ақпарат агенттігі.
Марат Сейітбекұлының бұйырығымен келіспеген Алтай Мақсұтұлы Тараз қалалық сотына жүгінді. Сот төрағалығындағы Күләнда Сатыбалды мән-жайды жан жақты қарап зерделеген. Жұмыстан босатудың негізгі себебі Жамбыл облысы бойынша ішкі аудит департаментінің 2019 жылдың 26-29 тамыз күндердегі тексерісінің қорытындысы бойынша бас дәрігерге әкімшілік құқық бұзушылық кодексі бойынша 6 (алты) хаттама толтырылған болатын. Нәтижесінде 20.09.2019 жылы облыстың бас дәрігерінің бұйрығына сәйкес осы қызметте 10 (он) жыл тапжылмай отырған Алтай Саурықов қызметінен босатылды. Осы бұйрықты сот дұрыс деп есептеп қаланың экс бас дәрігерін қайта жұмыстан қалпына келтіру бойынша арызын негізсіз деп тапты.
Сот үкімі заңды күшіне енген жоқ.
