Жамбыл облысы әкімдігінің ішкі саясат басқарма басшысының бұйрығымен Досымбекова Махпал Сатыбалдықызы Жамбыл облысы әкімдігінің ішкі саясат басқармасы басшысының орынбасары болып тағайындалды деп хабарлайды «TURANINFO.KZ» ақпарат агенттігі.
Бұған дейін Махпал Досымбекова Жамбыл облысы әкімдігі ішкі саясат басқармасының азаматтық қоғам институттарымен жұмыс бөлімінің басшысы, саяси партиялар және ҮЕҰ бөлімінің басшысы, бас маманы, талдау және мониторинг бөлімінің бас маманы; «Қазақстан темір жолы» ұлттық компания акционерлік қоғамының Астана қаласындағы «Қазкөліксервис» компаниясының ұйымдастыру-бақылау және кадрлық жұмысы бөлімінің бастығының орынбасары, компания кеңсесінің бастығы; М.Х.Дулати атындағы ТарМУ Қаратау қаласындағы көпсалалы колледж директорының тәрбие ісі жөніндегі орынбасары, мектеп-лицей директорының тәрбие ісі жөніндегі орынбасары, А.Пушкин орта мектебінің бастауыш сыныптарының мұғалімі болып қызмет атқарды.
Осыған дейін бұл қызметте қазіргі басқарма басшысы Дауыл Бейсенқұлов атқарған.
