27 қазан күні Тараз қаласында «Үшбұлақ» жасанды жағажай су айдынына судың жіберілуіне байланысты Тараз қаласы тұрғындарының үйін су басты деп хабарлайды «TURANINFO.KZ» ақпарат агенттігі Жамбыл облысы төтенше жағдайлар департаментінің баспасөз қызметіне сілтеме жасап.
- «27.10. күні Тараз қаласында 5 жеке тұрғын үй аулаларын («Үшбұлақ» жасанды жағажай су айдынына судың тасталуынан) су басу оқиғасы орын алды. 28.10. сағат 17:30-да ТЖД (13 қызметкер,3 бірлік техника және 3 мотопомпа), ЖАО (14 қызметкер және 2 бірлік техника) күшімен ауладан суды сору және бұру жұмыстары аяқталды. Жалпы 100 қап құм төселді және 220 текше метр су сорылды» — деп хабарлайды департаменттің баспасөз қызметі.
Айта кетерлігі, «Үшбұлақ» жасанды жағажай су айдынының сметалық құны – 449 млн. теңгені құрайды. Жағалаудың жалпы аумағы — 6,5 га. Ұзындығы – 700 м.
