Аймақтын экологиялық проблемаларын шешуге бағытталған Жамбыл облысы Әкімдігімен келісілген 15 тармақтан тұратын «2021-2024 жылдарға арналған экологиялық проблемаларды кешенді шешудің Жол картасы» әзірленіп бекітілген. Аталған Жол картасы Жамбыл облысының ең өзекті мәселелерін қамтиды. Ол проблемалық мәселелердің қатарында: облыстың елді мекендерінде экологиялық және санитарлық-эпидемиологиялық талаптарға сәйкес келетін полигондардың болмауы, Тараз қаласында тұрмыстық қалдықтарды сұрыптайтын және қайта өңдейтін зауыттың жоқтығы, кездейсоқ орындарда орналасқан қалдықтарды жою мәселелері, Тараз қаласындағы тазарту құрылыстары мен кәріз жүйелерінің қанағаттанарлықсыз жағдайы, сонымен қатар басқа да мәселелер баршылық.
Жол картасы өндірістік қалдықтарды орналастыру көлемінің азайтуға, ластаушы заттардың шығарындыларын азайтуға, қоршаған ортаға зиянды әсерін азайтуға, жасыл алқаптардың аумағын ұлғайтуға, кездейсоқ орындарда орналасқан қоқыстардың санын азайтуға және ауа сапасын жақсартуға бағытталған. 2021 жылдың 9 сәуірінде онлайн режімінде ZOOM платформасы арқылы Жол картасын орындау бойынша Жамбыл облысының қоғамдық ұйымдар өкілдерінің алдында жергілікті атқару органдардың және Жамбыл облысы бойынша экология департаментінің есеп беру кездесуі өткен.
Ағымдағы жылы облыстық Қоғамдық кеңестің отырысында департамент басшысы М.Е.Құрманбаев облыс экологиясының жай-күйі, Жол картасын орындау бойынша жұмыс туралы баяндады. Кездесулер барысында Жол картасын орындалуы бойынша атқарылған жұмыстар туралы баяндалды. Соның ішінде Тараз қаласында кәріздік тазарту кешенін салу бойынша: тазарту құрылыстарын іске асырудың бірыңғай бағдарламасы шеңберінде 53 жоба тізбесіне Жамбыл облысы бойынша 4 қала енгізілді, бірінші кезекте Жаңатас қаласында (2021 жылы), екінші кезекке Тараз қаласында (2022 жылы), содан кейін Қаратау, Шу қалаларында құрылыс жұмыстары жоспарланған.
ҚТҚ полигондарын экологиялық талаптарға сәйкес келтіру бойынша: Облыста қоршаған ортаға эмиссияға рұқсат құжаттары бар коммуналдық меншіктегі 158 полигон мен ұйымдасқан қоқыс үйінділері жұмыс істейді. 2021-2022 жылдары 65 полигонына қоршау орнату және 19 полигонға рекультивация жасалып, жабу жоспарланған.
Нұр-Сұлтан қаласының мысалында жасыл белдеулер мен инфрақұрылым құру үшін Тараз, Шу, Жаңатас, Қаратау қалаларының, ауылдық елді мекендердің айналасына жер учаскелерін бөлу: 2021-2025 жылдар кезеңінде 970 мың ағаш көшеттерін отырғызу жоспарлануда, соның ішінде 2021 жылға 179 000 түп ағаш отырғызылуы жоспарланып, облыс бойынша 276 830 түп ағаш отырғызылды.
Экопатрульдеу (рейдтер) жүргізу және рұқсат етілмеген қоқыс тастайтын жерлерді жою бойынша, қалдықтарды энергетикалық кәдеге жарату («Waste to energy») зауытын салу үшін жер учаскелерін беру, инфрақұрылым және қалдықтармен кепілдендірілген жүктеме мәселелерін пысықтау бойынша, Тараз қаласында тұрмыстық қалдықтарды сұрыптау және қайта өңдеу зауытын салу, Тараз қаласында тұрмыстық қалдықтарды сұрыптау және қайта өңдеу зауытын салу, Жасыл екпелерді паспорттауды жүргізу және олардың алаңдарын ұлғайту, Тараз, Шу, Жаңатас, Қаратау қалаларының, Қордай, Меркі ауылдарының науалық суару желісін жаңғырту, реконструкциялау және жаңа құрылысын салу бойынша мәселелер, Тараз қаласының аумағында орналасқан фосфогипс қалдықтарын ауыл шаруашылығына (тұзды жерлерді қалпына келтіру үшін) тарту және жол шаруашылығына тарту мәселесіне қатысушы тараптардың ұсыныстары, пікірлері тыңдалып, назарға алынды. Экологиялық мәселелерді атқару бойынша жұмыстар жалғасуда.
Материал Жамбыл облысы әкімдігінің ішкі саясат басқармасының тапсырысы бойынша дайындалды
