Жамбыл облысы әкімдігінің денсаулық сақтау басқармасының басшысының тапсырмасы бойынша Меркі аудандық орталық ауруханасында 1-маусым Халықаралық балаларды қорғау күніне орай мерекелік іс-шара өтті. Іс-шара мақсаты: Қазақстан Республикасында педиатриялық көмек көрсетуді ұйымдастыру стандартын бекіту туралы 2017 жылғы 29 желтоқсандағы
№ 1027 бұйрығына және Балалық шақтағы ауруларды ықпалдастыра емдеу бағдарламасының бұйрықтарын орындау.
Меркі аудандық орталық ауруханасының бас дәрігері Оспанова Жанар Мыктыбекқызы бұл мерекемен құттықтап, біздің өткізілген іс шарамыздың бірден бір мақсаты халықтар арасында медициналық білім деңгейін жоғарылатумен қатар, ауданымыздың жас аналарынан еріктілерді ұйымдастыру, 0-5 жас аралығында балалардың жазатайым оқиғаларға ұшырамау,өлім –деңгейін азайту,дұрыс дені сау бала қалыптастыру, баланың ой өрісінің өз деңгейінде дамуы, әрбір ананың өз баласының жан жақты дамуының толыққанды білуі және балаларға үй жағдайында қауіпсіз орта жасау, ол үшін ата-аналардың қызметінің маңыздылығы басым,осы бағытта үздік еңбек еткен ата –аналар арасында :
«Ең қамқор ана», «Ең ақылды ана»,«Ең жауапты ана, «Ең мейірімді ана»,
«Ең ұқыпты ана» атты марафондық сайыс өтті.
1.«Қамқор ана»-Емшек сүтімен толыққанды емізуді,маңызын,артықшылығын білгені үшін;
2. «Ұқыпты ана»- Жазатайым жағдайлардың алдын алу және балаға дұрыс қауіпсіз орта жасап бергені үшін;
3.«Жауапты ана»-Баланы дамыту бөлмесіне тұрақты келіп, «Қауіпсіз жағдайлар» , «Дәрігерге қайтып келу»тақырыптарын толығымен білгені үшін;
4.«Ақылды ана» — Қосымша тамақты дұрыс еңгізіп, уақытылы бала ағзасына керекті дәрумендер толықтырып отырғаны үшін;
5.«Ең мейірімді ана» -Дүниеге дені сау бала әкелу үшін ең бірінші кезекте отбасын дұрыс жоспарлау екенің, жүкті әйелдің барлық орындау керекті талаптарын білгені үшін, ішінен жүлдегерлер іріктеп алынды.
Бұл марафон қорытындысы бойынша жеңіске жеткен ата –аналар өтілген марафонның оларға тигізген пайдасы өте зор екенін айтты және аналар ерікті түрде халық арасында волонтерлік жасайтының айтты. Сондай-ақ, Меркі аудандық орталық ауруханасының әкімшілігі мүмкіндігі шектеулі балаларға; Перзентханадан шыққан сәбилерге (13 ана сәбиімен); Балалар бөлімінде ем алып жатқан балаларға, марафонға қатысушы аналардың балаларына сыйлықтар таратып,шағын стол ұйымдастырылды.
Осы марафон жыл бойы халық арасында жалғасады. Іс шараға қатысқан, атсалысқан азаматтарымызға Аудандық Нұр-Отан депутаттары мен ауданның бас имамына алғысымызды білдіреміз.
