Бауыржан Момышұлы атындағы «Жеңіс» саябағының келбет — пішінінің эскиздік нұсқасы ілінді деп хабарлайды «TURANINFO.KZ» ақпараттық агенттігі. 9 — мамыр Жеңіс күніне «Ерлік» мемориалдық кешені, мәңгілік алау мен Бауыржан Момышұлының ескерткіші, Даңқ аллеясы, Кеңес одағының батырлары мен Даңқ орденінің толық иегерлері дайын болды.
Мереке Тараз қаласында орналасқан 8 ескерткішке гүл шоқтарын қою рәсімдерінен бастау алады. Олар: А.Сухамбаев, Ы.Сүлейменов З. Космодемьянская, Т.Тастандиев ескерткіштері, «Даңқ» мемориалы, ҰОС жылдарында Жамбыл облысындағы госпитальдарда жарақаттан қаза болған Совет армиясы жауынгерлеріне арналған обелискі, «Даңқ» аллеясы, 1941-1945 жылдары қаза болған жауынгерлердің стелласы.
Сол уақытта асқақ рух пен жанқиярлықтың, батылдық пен өшпес даңқтың нышанына айналған «Қаһарман Ұлт – Бессмертный полк» шеруі ұйымдастырылады. Шеру екі бағытта: «Достық» алаңынан «Жеңіс» саябағына дейін және А.Сухамбаев ескерткішінен «Жеңіс» саябағына дейін жүріп өтеді.
Одан соң бағдарлама бойынша «Мәңгі алау» символикалық алауын «Ерлік» мемориалдық кешеніне салтанатты түрде алып жүру рәсімі, Кеңес Одағының Батыры, аты аңызға айналған қолбасшы Б.Момышұлының ескерткішіне гүл шоқтарын қою рәсімі орындалады.
«Ерлік» мемориалдық кешенінде іс-шаралар мерекелік концертпен және театрландырылған қойылымымен жалғасып, кешкі уақытта отшашумен аяқталады.
«ЖЕҢІС» САЯБАҒЫНЫҢ ЭСКИЗІ ІЛІНДІ
- Маңызды
- Пікірлер
- Соңғы
