Жасөспірімдер арасында футбол өткізілді
«Жамбыл облысы әкімдігінің дене шынықтыру және спорт басқармасы бұқаралық-спорттық шаралар өткізу орталығы» КММ-нің «Бұқаралық футболдан жас ерекшеліктеріне қарай облыстық жарыс ұйымдастыру және өткізу» атты әлеуметтік жобасы шеңберінде «Жамбыл облыстық қоғамдық бақылау және мониторинг орталығы» ҚҚ ағымдағы жылдың 28-29 қыркүйек күндері аралығында Тараз қаласы М.Х.Дулати атындағы Тараз мемлекеттік университеті Гидрокешенінің спорт алаңшасында 2003 жылы туылған жасөспірімдер арасында «Мен салауатты өмір салтын таңдаймын!» атты ұранмен үлкен футболдан облыстық турнир ұйымдастырылып, өткізілді. Турнирге облыс аудандары және Тараз қаласынан барлығы сегіз топ қатысып, өзара мықтыны анықтады. Сегіз команда екі топқа бөлініп, іріктеу ойындарын өткізді. Өз топтарында бірінші және екінші орын иеленген төрт команда өзара жартылай финал өткізді, және финалдық ойындарда жеңімпаздармен жүлдегерлер анықталды. Әлемдегі ең қызықты саналатын спорт түрі футбол жарысына барлық жаттырықтырушылар жасөспірімдерді жоғары дайындықпен алып келген. Қызықтыда, тартысты өткен жарыста барлық топтардаң озық шығып, жүлделі бірінші орынды Байзақ ауданының құрамасы иеленді, жеңіске бір табан жетпей қалған Тараз қалалық №12 мектептің құрамасы жүлделі екінші орынды иеленді. Тараз қалалық №47 мектептің құрамасы үшінші орынды иеленіп жүлдегерлердің қатарынан көріне білді. Барлық жеңімпаздармен жүлдегерлер ұйымдастырушылар тарапынан дайындалған дипломдар, медальдар, кубок және бағалы сыйлықтармен марапатталды. Сонымен қатар жарыс барысында үздік ойын өрнегін көрсете білген ойыншылар арнайы «Үздік ойыншы», «Үздік қорғаушы», «Үздік қақпашы» номинацияларымен марапатталып, естелік сыйлықтарға ие болды.
Жас футболшыларға мотивация беру мақсатында «Тараз» ФК және Ю21 Қазақстан құрамасының жас талантты ойыншысы (қорғаушы) Шадманов Бекзат арнайы келіп, жас футболшыларға өзінің ізгі тілегін білдірді. Сонымен қатар үздік ойын-өрнегін көрсеткен ойыншыларға естелікке футбол доптарын сыйлыққа тартты.
