Елімізде 2022 жылдың 20 қарашасы күні өтетін кезектен тыс президенттік сайлауында елшілік тұрақтылық пен сайлау процедураларының қатаң сақталуын қамтамасыз ету мақсатында еліміздің барлық аумағын қамтитын өңірлік штабтары бар тәуелсіз бақылаушылардың «BAQYLA» Қоғамдық қозғалысы құрылды.
Жамбыл облысы бойынша «BAQYLA» Қоғамдық қозғалысты «Жамбыл облысы жастар ұйымдарының Қауымдастығы» заңды тұлғалар бірлестігінң президенті Исламбек Дастан басқаратын болады.
Елімізде әділ әрі шынайы сайлау өткенін барлығымыз да қалаймыз. Алайда сайлаудың шынайы өтуіне билік құлықты емес. Жасыратыны жоқ. Сайлаудың таза өтуіне қарапайым адамдар мүдделі. Түрлі себептерге байланысты қазір елдегі азаматтық қоғамның күйін көңіл көтеріңкі деп айтуға келмейді. Сайлау процесіне белсенді қатысатын топтың бірі – байқаушылар. Қазіргі таңда 200 жуық азамат оқытудан өтіп, сайлауға байқаушы болуға дайын.
Аумақтық байқаушылар желісі жұмысы Алматы қаласындағы Орталық штаб пен еліміздің 26 қаласында орналасқан өңірлік штабтар арқылы жүргізіледі.
Қозғалыстың бақылаушылары еліміздің 26 ірі қаласында барлығы 3,2 мыңнан астам сайлау учаскесінде бақылайды.
