Жамбыл облысы ТЖД Өрт сөндіру және авариялық-құтқару жұмыстары қызметінің бөлімшелері күн сайын тәулік бойы кезекшілікте болып, күн мен түнге қарамастан азаматтарға көмекке келуге дайын.
Ағымдағы жылғы 16-17 және 17-18 сәуірде Өрт сөндіру және авариялық-құтқару жұмыстары қызметінің бөлімшелері аталған тәуліктер ішінде әртүрлі сипаттағы шақыртуларға 16 рет шықты. Оның ішінде Жедел-құтқару жасағының құтқарушылары 5 рет шығып, есіктерді ашу жағдайына 3 рет, баланың саусағынан гайканы алуға 1 рет және итті құтқаруға 1 рет шықты. Ал өзге 11 шақыртуға қаланың және облыс аудандарының өрт сөндіру бөлімдері шықты.
Ағымдағы жылдың 16 сәуір күні 20 сағат 16 минутта Жуалы ауданы Б.Момышұлы ауылындағы тұрғын үйдің аумағында жазғы ас үй өртенді. Оқиға орнына шұғыл Жуалы ауданының №7 өрт сөндіру бөлімінің күштері мен құралдары шыққан. Өрт сөндірушілердің кәсібилігі мен жеделдігінің арқасында өрт қысқа мерзімде жойылды және жақын жерде орналасқан тұрғын үй мен шаруашылық құрылыстарына өрттің таралуына жол берілмеді.
17 сәуір күні таңертең Т.Рысқұлов ауданының өрт сөндіруші-құтқарушылары тұрғын үй аумағындағы құрылыс балкілері жанып жатқан Қызыл шаруа ауылындағы өртке шықты. Өрт сөндірушілердің шұғыл әрекеттерінің арқасында қызыл жалынның жақын орналасқан ғимараттарға таралуының алдын алды.
Ағымдағы жылдың 18 сәуірінде 17 сағат 39 минутта Мойынқұм ауылында монша өртенді. Оқиға орнына Мойынқұм ауданының №18 Өрт сөндіру бөлімінің өрт сөндірушілері жедел келді. Өрт жарты сағат ішінде жойылды және жақын орналасқан құрылыстарға өрттің таралуына жол берілмеді.
Қаза болғандар мен зардап шеккендер жоқ. Өрттердің шығу себебі анықталуда.
Осыған байланысты, Жамбыл облысы ТЖ Департаменті балалар мен қарттарды үйде қараусыз қалдырмай, төтенше жағдайларға жол бермей және өрт қауіпсіздігі ережелерін қатаң сақтау қажеттігін ескертеді. Сондай-ақ, көктемгі уақытта бақшаны тазалау кезінде қоқысты өртегенде өрт жақын орналасқан тұрғын үйлер мен жапсарлас құрылыстарға таралмауын қатаң қадағалау қажеттігін еске салады. Өрт немесе төтенше жағдайлар туындағанда шұғыл түрде 101 немесе 112 телефондарына қоңырау шалу қажет. ТЖ салдарымен күресуден гөрі алдын-алу оңай екенін естен шығармайық.
Жамбыл облысы ТЖД Өрт сөндіру және авариялық-құтқару жұмыстары қызметінің Қоғаммен байланыс тобы
