Өрт бөлімдері құрылымдарын тұрақты дайындықта ұстау, төтенше жағдайды жедел жою бір-бірінен ажырамас бөлігі болып табылады.
Ағымдағы жылдың 28 cәуірінде төтенше жағдайлардың алдын алу және оларды жою жөніндегі іс-қимылдарға күштер мен құралдардың өзара іс-қимылын жетілдіру, сондай-ақ азаматтық қорғау қызметтерінің басқару органдарын, күштері мен құралдарын Жамбыл ауданының Ақбұлым ауылы далалық аймақта өрт қауіпті кезеңге дайындау мақсатында шартты табиғи өртті сөндіру бойынша өрт-тактикалық оқу-жаттығу өткізілді.
Оқу-жаттығуға Жамбыл облысы Төтенше жағдайлар департаментінің, «Жамбыл облысы әкімдігінің Жамбыл және Байзақ ормандар мен жануарлар дүниесін қорғау жөніндегі» КММ, Жамбыл ауданының Гродеково, Қызылқайнар, Жалпақтөбе ауылдық округтердің ерікті өрт сөндіру құрылымдарының, Байзақ ауданының Ботамойнақ, Жаңатұрмыс, Суханбай ауылдық окургтердің ерікті өрт сөндіру құрылымдарының, Жергілікті полиция қызметінің, аудандық азаматтық қорғау қызметінің құрамына кіретін басқа да ұйымдар мен мекемелердің, күштері мен құралдары тартылды. Оқу-жаттығу барысында барлығы 26 бірлік техника мен 166 адам жұмылдырылды
Бүгін барлық қатысушылар күш құралдармен табиғи өрттің алдын алудың барлық циклын: өрт бақылау мінбесіндегі кезекші деспетчердің белгі беруінен бастап, шұғыл штабтың құрылуы және күрделі орман – дала өртінің сәтті өшірілу амалдарын көрсетеді. Сонымен қатар, Жамбыл облысы ТЖ Департаменті бөлімшелерінің және Жамбыл облысы азаматтық қорғау қызметтерінің орман және дала өрттерін жоюмен байланысты Жамбыл облысы аумағындағы төтенше жағдайларды жою бойынша іс-қимыл жоспарына сәйкес өзара іс-қимылдар тәжірбие жүзінде пысықталады.
Жалпы, оқу-жаттығу барысында мынадай іс-қимылдар пысықталды:
- табиғи өрттерді сөндіруді ұйымдастыру тактикасы. Өрт сөндіру бөлімшелерінің іс-қимылдарын басқару бойынша басшы құрамның дағдыларын, сондай-ақ өртте жедел штаб жұмысының және арнайы қызметтердің өзара іс-қимылдары. Жеке құрамның, штаттағы қызметкерлер мен техниканың өрт орнына құлақтандыру схемасын және жедел келу тәртібі;
- өзара ақпарат алмасу, сондай-ақ төтенше жағдайларды жою бойынша өзара іс-қимыл жоспарына сәйкес күштер мен құралдарды тарту мәселелері бойынша өзара іс-қимылдары;
- ауылдық округтердің ерікті өртке қарсы құрылымдарын хабарландыру, өрт орнына жинау және келу тәртібін пысықтау, олардың өрт сөндіру амалдары жөніндегі іс-қимылдарын ұйымдастыру;
- Өзара іс-қимыл жоспарына сәйкес далалық жағдайында жедел штабпен, жергілікті және орталық басқару органдармен, сондай-ақ басқа да қызметтермен байланысты ұйымдастыру.
Облыс аумағындағы барлық 15 орман шаруашылығында шартты табиғи өртті сөндіру бойынша өрт техникалық жаттығу өткізілді, онда ауылдық округтердің ЕӨҚҚ, орман өрт командаларының жек еқұрамын жинау және хабарландыру жүйесі және табиғи өртті сөндіруге дайындығы тексерілді.
«2021 жылдың өрт қауіпті кезеңінде облыс аумағындағы орман және дала өрттерінің алдын алу және жою бойынша қабылданып жатқан шаралар туралы» мәселе ағымдағы жылдың 23 сәуірінде облыстық ТЖ алдын алу және жою комиссиясының отырысында қаралды. 2021 жылы мемлекеттік орман қоры мен дала алқаптарының аумағында өрт қауіпсіздікті қамтамасыз ету жөніндегі бірлескен алдын алу және ескерту іс-шараларының жоспары облыс әкімдігімен бекітілді.
Облыс әкімдігінің «Облыс аумағында табиғи өрттердің алдын алу жөніндегі шаралар туралы» 16.04.2021 жылғы №78 қаулысы қабылданды. Табиғи өрттердің алдын алу мақсатында ТЖ бөлімдері, жергілікті полиция қызметі және жергілікті атқарушы органдар жеке құрамының күшімен жалпы саны 69 адамнан тұратын 15 бірлескен ұтқыр топ құрылды.
Облыс аумағының ғарыштық монтронингін жүргізуге 2020 жылы облыс бюджетінен 5 млн.200 мың теңге бөлінді. «Ағымдағы жылдың 1 мамырынан бастап орман шаруашылығы және жануарлар дүниесі аумақтық инспекциясының қызметкерлері күніне 3 рет облыстың мемлекеттік орман қоры аумағын жалпы көлемі 3,048 млн.гектар «Қазавиаорманқорғау» РМҚК авиатехникасымен ұшу арқылы әуеден күзету жүргізу жүргізілетін болады. «Қазавиақұтқару» АҚ авиатехникасымен облыс аумағындағы өрт қауіпті учаскелерді аралап шығу және олардың өртке қарсы жағдайына мониторинг жүргізу үшін облыс әкімдігімен ағымдағы жылы 47 млн 500 мың теңге (48 ұшу сағаты) бөлінді. Облыс әкімдігі мемлекеттік орман қорының аумағын өрттен қорғау жұмыстарын жүргізу үшін 2021 жылға 40 млн.теңге, сондай-ақ мемлекеттік орман қорының материалдық-техникалық базасын жақсарту үшін 217 млн. теңге бөлінді. 150 мың литр көлемінде ЖЖМ резерві құрылды.
Орман және дала өрттерінің алдын алу және жою бойынша қабылданып жатқан шаралар туралы халыққа жеткізу, сондай-ақ өрт қауіпсіздігі қағидалары туралы ақпаратты жариялау және барлық өзара іс-қимыл жасайтын ұйымдардың практикалық пысықталуын көрсету үшін іс-шараға жергілікті БАҚ қатысқанын атап өту қажет.
Жамбыл облысы Төтенше жағдайлар департаменті
