Жамбыл облысы Жамбыл ауданы Жасөркен ауылын су басты. Мұнда толассыз жауған жаңбыр мен көлбеу ағындардың пайда болуы салдарынан 30-дан астам ауланың аумағы су астында қалды. Жамбыл облысының әкімі жағдайды өз бақылауына алған.
Қазіргі уақытта ТЖД мамандары Жамбыл ауданы Жасөркен ауылында жұмыс жүргізіп жатыр. Оқиға орнында барлық жауапты мекемелер жұмыс істеуде, қажетті техника жұмылдырылған, су сорылып жатыр.
Облыс әкімі Ербол Қарашөкеевтің айтуынша, Жамбыл облысының барлық су қоймалары штаттық режимде жұмыс істеп тұр. Олардың толып кету қаупі жоқ.
«Құрметті облыс тұрғындары! Қорқынышқа бой алдырмай, тек ресми дереккөздерге сенулеріңізді сұраймын. Облыстың барлық су қоймалары штаттық режимде жұмыс істейтінін, олардың толып кету қаупі жоқ екенін растаймын», — деді облыс әкімі.
