2021 жылғы 27 наурызда сағат 17-55-те Тараз қаласында жауын-шашын, жаңбыр мен тазартылмаған арықтардың салдарынан төрт аула аумағын су басқан. Су деңгейі 20 см-ге дейін байқалды. ТЖД және жергілікті атқарушы органдардың күшімен 21 адам, 5 бірлік техника және 2 мотопомпа суды сору және су бұру каналын орнату бойынша жұмыстар жүргізілді. Барлығы 37 текше метр су сорылды. Тұрғын үйлерді су басу қаупі болған жоқ.
2021 жылғы 28 -29 наурыз аралығында Тараз қаласында нөсер жаңбыр мен тазартылмаған арықтардың салдарынан 17 аула аумағын су басты . ТЖД және жергілікті атқарушы органдар қызметкерлерінің күшімен барлығы 39 адам , 9 техника және 9 мотопомпамен жұмыс жүргізілуде. Қазіргі уақытта тұрғын үйлерге қауіп төніп тұрған жоқ.
28 наурызда Жуалы ауданында 2 сағат 49 минутта жауын-шашын жауған кезде көлбеу ағын пайда болды, салдарынан Қоңыртөбе ауылындағы аула аумақтарын су басып, Майбұлақ ауылындағы бес үйдің ауласын су басты.
Жуалы ауданы Жұрымбай ауылынан 2 шақырым жерде, түнгі сағат екі шамасында ТЖД екі қызметкері мен ТЖД 1 техникасы күшімен балшыққа батып қалған жеңіл автокөліктен өрт сөндіру бөліміне 1 адам эвакуацияланды. Ол медициналық көмекке мұқтаж болмаған.
Байзақ ауданы, Сарыкемер ауылында бес аула аумағын су басты. Су деңгейі 18-20 см. тұрғын үйлерді су басу қаупі жоқ. ТЖД және жергілікті атқарушы органдардың күшімен барлығы 22 адам, 6 бірлік техника және 4 мотопомпа суды сору, арық жүйесін тазалау және нығайту бойынша жұмыстар жүргізілуде. Жалпы облыс бойынша барлығы 30 дан астам аула аумағын су басқан.
Құрметті Жамбыл облысы және Тараз қаласының тұрғындары!
Ауа температурасының жоғарылауына орай және жауын шашынның түсуіне байланысты, тұрғынүй участкелерін және оған іргелес аумақтарда су басу оқиғаларына жол бермес үшін сіздерден уақытылы арық жүйелерін тазалау бойынша шараларды атқаруларыңызды сұраймыз!
Жамбыл облысы ТЖ департаменті
