Мұндай деректерді Өңірлік коммуникациялар қызметінде өткен брифингте Жамбыл облыстық сайлау комиссиясының төрағасы Сарыбеков Махметғали Нұрғалиұлы баяндадады.
Махметғали Нұрғалиұлының сөзіне сүйенсек, Елбасының Жарлығымен ағымдағы жылдың 28 маусымына ҚР Парламентінің Сенат депутаттарының сайлауы тағайындалды. Бұл жолы, әр облыстан 1 депутаттан сайланатын болады. Және оларды тек қана таңдаушылар сайлайды, яғни барлық деңгейдегі мәслихат депутаттары дауыс беретін болады.
Өз кезегінде, біз, облыстық аумақтық сайлау комиссиясы, Ортсайлаукомның Қаулысымен бекітілген Күнтізбелік жоспар негізінде дайындық жұмыстарын атқарып отырмыз.
Облыстық бұқаралық ақпарат құралдарында облыстық сайлау комиссиясының құрамы мен тіркелген кандидаттар туралы хабарлама жарияланды.
Жалпы облыс көлемінде 5 кандидат тіркеуден өтті.
Тіркелген кандидаттардың барлығы өзін-өзі ұсыну жолымен ұсынылып, тиісті мәслихат депутаттарының қажетті қолдау қолдарын жинап тапсырды.
Сондай-ақ, кандидаттар тарапынан Ортсайлаукомның арнайы шотына міндетті төленетін депозит салымдары төленді. Оның көлемі ең төменгі жалақының 15 еселенген мөлшерін құрайды (366 мың 885 теңге).
Тіркелген 5 кандидаттың 1-і зейнет жасында.
Қалған кандидаттардың орта жас көрсеткіші 56-ны құрап отыр.
Әр кандидатқа жеке-жеке тоқталып өтсек:
1) Әбдраимов Дүйсенбек Исахметұлы – жасы 57-де, қазақ, облыс әкімдігінің «Мемлекеттік қызметшілерді қайта даярлау мен біліктілігін арттыру ортылығының» директоры;
2) Абдуалы Асқар Бегәділұлы – жасы 64-те, қазақ, М.Х.Дулати атындағы Тараз мемлекеттік университетінің бірінші проректоры;
3) Дүйсембаев Махамбет Ахметұлы – жасы 54-те, қазақ, «Тараз» кәсіби футбол клубының директоры;
4) Нұралиев Абдалы Тоқбергенұлы – жасы 58-де, қазақ, облыс әкімінің орынбасары;
5) Терлікбаев Қайрат Әбдікерімұлы – жасы 56-да, қазақ, Луговой рельс-дәнекерлеу кәсіпорнының директоры.
Облыс бойынша барлық таңдаушылардың саны 205 депутат болып қалыптасқан. Алайда, бүгінгі күнге 2 депутаттың орны бос тұр (Қордай аудандық мәслихатта Чува Айдыр Суфурович, Ордабаев Қанат Апрельевич).
Сонымен, бұл сайлауға 203 депутат қатысады деп күтілуде.
Сайлауалды үгіт насихат науқаны 8 маусым күні басталып, 26 маусым күні жергілікті уақытпен сағат 24.00-де аяқталатын болады. 27 маусым ыныштық күні, 28 маусым дауыс беру күні,-деп сөзін түйіндеді Махметғали Нұрғалиұлы.
TURANINFO.KZ
